وانت وایگل تومنی دولت نظارتیگه اوتدی

افغانستان شرقیده جایلشگن نورستان ولایتی رسمی لری، افغان کوچلری پاکستان بیلن چیگره داش بولگن "وانت وایگل" اولوسوالیگینی طالبلر نظارتیدن قیته ریب آلگنلیکلریدن خبربیرگن.

نورستان ولایتی حاکمی سوزچیسی بهاند نینگ ایتیشیچه، افغانستان کوچلری رهبرلیگیده اوتکزیلگن اوشبو ایکی کونلیک عملیاتده افغان کوچلریگه تلفات ییتمه ی، عملیات یکونلنگن.

نورستان ولایتی حاکمی سوزچیسی، مذکور تومن دولت کوچلری تصرفیگه اوتیشی بیلن قوراللی طالبان پاکستان تمان قاچیب، اولر بیلن بیر قطارپاکستانلیک طالب لرهم بارلیگی نی تاکیدله دی.

اونینگ بی بی سی بیلن بولگن صحبتیده ایتیشیچه، طالبان نظارتیدن قیته ریب آلینگن تومن، ایکی یریم ییلدن بیری طالبان حاکمیتی آستیده بولگن.

اوشبو ولایت رسمی لری نینگ معلوم قیلیشیچه، طالبان اهالی دن مالیه آلیب کیلگن و بو تومن نینگ یوللری نورستان ولایتی نینگ کوپلب منطقه لری بیلن یاپیلیب و"وانت وایگل" اهالی سی وضعیتی یمانلشگنی سبب اوز کسللرینی ساغلیق مرکزلرگه آلیب باره آلمسدیلر.

شونینگ دیک، نورستان والی سی، طالبان هلی هم ایریم منطقه لرده موجود بولیب، اولرنی قالگن منطقه لردن چیقاریش اوچون دولت تمانیدن ییریک حربی عملیات یولگه قوییلیشی نظرده توتیلگن.

2011 ییلده، نورستان ولایتی رسمیلری "وانت وایگل" منطقه سی، طالبان گروهی گه علاقه دار بولگن یوزلب هجومچی نظارتیگه اوتگنیدن خبربیرگن ایدیلر.

نورستان ولایتی نینگ پولیس قوماندانی گه کوره، طالبان هجوم قیلگن پیتده، امنیتی کوچلرسانی 100کیشی گه ییتردی، اما اوشه پیتده طالب لرنینگ ییریک هجومی نینگ آلدینی آلیش گه قادربولمی آرتگه چیکینگن ایدیلر.