حامدکرزی قطرگه سفر قیلدی

افغانستان جمهوررییسی امریکا و اسلام دنیاسی بویچه بولیب اوتیشی کوتیله یاتگن خلق ارا کنفرانسده حصه قوشیش اوچون قطرگه سفر قیلگن. شونینگ دیک کرزی جنابلری مذاکره اوچون طالبان گه دفتر آچیب بیریش مسله سینی هم قطر رسمیلری بیلن محاکمه ایتیشی کوتیله دی.

امریکا و اسلام دنیاسی بویچه خلق ارا کنفراس بوییل قطر پایتختی دوهه ده بولیب اوتماقچی، بو کنفرانسده افغانستان جمهوررییسی قوشیمچه بیرقنچه اسلامی اولکه لر رهبرلری اشتراک ایتیب امریکا و اسلام دنیا سی آره سیده گی علاقه لرنی محاکمه ایتیشی کوتیله دی.

افغانستان ریاست جمهورلیک سرای سوزچیسی اورین باسری، فایق واحدی، بولیب اوته جک یغینده افغانستان، پاکستان ومنطقه بویچه اوزگریشلرجدی بیر شکلده مباحثه ایتیلیشی ممکن لیگینی تیلگه آلدی:"بو کنفرانس امریکا و بروکین ناملی قوریلمه تمانیدن یولگه قوییله دی. امریکا و اسلام اولکه لری آره سیده گی مسله لر اوستیگه بحث آلیب باریله دی.مذکورکنفرانسد، پاکستان و افغانستان مسله لری هم مباحثه ایتیلیشی ممکن، همده افغانستان جمهورریسی افغانستان موقعینی بیان ایته دی."

شونینگ دیک فایق واحدی گه کوره، افغانستان جمهورریسی حامدکرزی، قطر وافغانستان دولت لری آره سیده گی علاقه لرنی کوچیتریش اوچون هم قطر رسمیلری بیلن اوچره شماقچی. همده اونینگ ایتیشچه افغانستان رهبری اوشبو سفری جریانیده صلح جریانینی تیزلشتریش مسله سی نی هم قطر رسمیلری بیلن مباحثه ایتیشینی مقصد قیلگن.

طالبان بیلن مذاکره قیلیش اوچون اوشبو گروه گه دفتر اچیب بیریش مسله سی هم افغانستان جمهوررییسی وقطر رسمیلری اره سیده مباحثه ایتیلیشی کوتیله دی."

طالبان بیلن مذاکره الیب باریش اوچون قطرده اولرگه دفتر اچییب بیریش حاضرگی کونده قیزیق بیر موضوع گه ایلنگن.

ایریملر امریکا و اسلام دنیاسی بویچه خلق ارا کنفرانس نینگ خودی قطر پایتختی ده بولیب اوتیشی افغانستان ، پاکستان و منطقه بویچه اولکه لر اوچون بی تاثیر بولمه یشینی ایته دیلر. افغانستان حکومتی هم مذکور کنفرانس ده افغانستان و پاکستان مسله لریگه کوپراق اعتبار قره تیلیشی ممکن لیگینی تاکیدله ماقده.