ضیالی لر: پارلمان مقابلیده چادر تیکیب اعتراض میزنی دوام بیره میز

بیرقنچه مدنی فعاللر الکترونیکی کیم لیک که قوم لر آتی کیرتیلمه گنیگه قرشی لیک بیلدیریش اوچون کابل گه کیلگنلر، کابلگه کیلگن اونلب ضیالی لردن بیری محمد کاظم امینی، مدنی اعتراضلرینی پارلمان بناسی مقابلیده دوام ایتریشلری بیلن آگاه لنتیردی.

شونینگدیک امینی جنابلری، افغانستان نینگ قندوز وبلخ ولایت لریدن هم ایریم ضیالی لر کابلگه کیلیب اولر صفیگه قوشیلشیدن خبربیردی.

الکترونیکی کیم لیککه قوم لر آتی کیرتیلمه گنی اوچون افغانستان نینگ ایریم شمالی ولایت لریده مدنی اعتراض لر یولگه قوییلدی. عینی مسله گه قرشی فاریاب ولایت مرکزی میمنه شهریده یولگه قوییلگن اعتراض قریب ایکی هفته دوام تارتدی.

مذکورمدنی اعتراض گه حصه قوشیب حاضر کابلگه کیلگن شاعر یازوچی محمد کاظم امینی میمنه ده گی اعتراض چیلریدن بیرقسمی نینگ کابلگه کیلیشیدن اساسی مقصد نیمه بولگنینی شوندی آچیق له دی:" میمنه شهریده مدنی اعتراض اون اوچ کون دوام تارتدی. امنیت بوزیلیش خواطری موجود ایدی. شوباعث اعتراض توخته تییلیب عینی اعتراض کابلده یولگه قوییلیشی قرار قیلیندی، اوتیز گه یقین ضیالی بیلن بوگون کابلگه ایتیب کیلدیک، بلخ و قندوز ولایت لریدن هم بیرقنچه ضیالی لر کیلیشی ممکن."

عینی حالده امینی جنابلری، دوشنبه کونی بو مسله اولوسی جرگه نینگ عمومی یغینده قیته کوریب چقیلیشی ممکن لیگینی اورغولب، اولرنینگ ایستک لری اینابتگه آلینمه گونگه قدر برقی کیم لیکنی تحریم قیلیشلری بیلن آگاه لنتیردی.

الکترونیکی حجتده قوم لرآتلری توتیلیشی باشقه مملکت لرده عادی بیر مساله دیب ایتیله دی، اما بوندن آلدین افغانستان، اهالی سی گه بیریله دیگن تذکره ده هر بیر کیشی ملیتی افغان نامی بیلن قید ایتیلیب و آنه تیلی هم نیمه لیگی یازیلردی، اما حاضرگی الکترونیکی کیم لیک که قوم لرنامی نی سیغدیریلیشی وسیغدیریلمسلیگی کوپگینه جنجاللرگه سبب بولیب، بوبرنامه نینگ قنچه وقتدن بیری ترقه تیلیشی نی آرتده قالدیریب نهایتده بوندن قریب اوچ هفته آلدین ملی کینگاش تمانیدن کوپچیلیک آواز بیلن قوم لرآتی کیلمسلیگی تصدیق لندی.

بومساله ایسه بیر قطار وکیللروضیالی لرنینگ قرشی لیک لریگه سبب بولیب. مدنی اعتراضلر بوندن بویان هم دوام ایتیشی ممکن.