جنوبی هلمند ده آلتی پولیس اوز همکاری تمانیدن آتیب اولدیریلگن

هلمند ولایتی ده افغان پولیسی اوزی نینگ آلتی همکارینی اوق بیلن آتیب اولدیرگن.هلمند خوفسیزلیک مسووللری، حادثه بوییچه تحقیقات باشلنگنی نی ایتگنلر.

اوتگن هفته جریانیده هم انه شو ولایتده باشقه بیر پولیس اوز همکارلریگه قرشی اوق آچگن ایدی.

حادثه هلمند ولایتی ولایتی نینگ سنگین تومنیده روی بیرگن. اوشبو ولایت والیسی سوزچیسی نینگ بی بی سی گه ایتیشیچه، پولیسلردن بیری تورت ملی پولیس و ایکی محل پولیسنی اوق بیلن آتیب اولدیرگن.

اونگه کوره، مذکور هجوم پولیس قرارگاهی نینگ تیکشیریش خانه سیده عملگه آشیریلگن.

پولیس مسوللری، هجوم اویوشتیرگن پولیس محل دن قاچیب کیتیشگه موفق بولگن و اونی قولگه آلیش اوچون قیدیریش ایشلری باشلنگنی دن خبر بیریشدیلر.

عین حالده، طالبان سوزچیسی قاری یوسف احمدی عاموی اخبارات واسطه لری بیلن باغله نیب، هجومچی پولیس اولرگه قره شلی بولیب، پوسته ده گی سکیز پولیس نی اولدیریب اولرنینگ قورال . اسلحه لرینی اوزی بیلن آلیب کیتگنی نی ادعا قیلدی.

افغانستان جنوبیده جایلشگن هلمند، بوندن آلدین هم شوکبی حادثه لرگه گواه بولگن. حال بوکه، افغانستان مدافعه و ایچکی ایشلر وزیرلیکلری شونده ی هجوملرنی آلدینی آلیش اوچون کونگیللیکلرنی حربی کوچلر صفیگه قبول قیلیشده قتیق چاره تدبیر کوریب چیقگنلیکلرینی اعلان قیلگنلر.اما هنوز هم افغان حربی لری بیر بیراولرینی قربان قیلماقده لر.