کابل بانک قضیه سی نینگ هلی هم حل بولمه گنیگه اساسی عامل نیمه؟

کابل بانک قضیه سینی تیکشریش اوچون تشکیل ایتیلگن مخصوص محکمه مذکور بانک بحرانیگه عیبدار شخصلر خصوصیده چیقایلگن قرار باره سیده خارجیلرنینگ اره له شیشگه حقلری یوق لیگینی تاکیدله گن.

کابل بانک انقراضی نی تیکشریش اوچون تشکیل ایتیلگن مخصوص محکمه 22 کیشی نی عیبدار تانیب هربیرینی بیش ییل قماق جزاسیگه محکوم ایتگن، بیراق بیرلشگن ملتلر تشکیلاتی قوییلگن جزالرنی قانیقرلی بیلمی کابل بانک قضیه سی قیته کوریب چیقیلیشینی تکلیف قیلگن.

مخصوص محکمه باشلیغی شمس الرحمان شمس بی بی سی بیلن بولگن صحبتیده امانت گه خیانت قیلیش اساسیده قانون گه ماس عیبدار کیشی لرگه جزا بیریلگنینی تاکیدله دی:"جزا باره سیده ایتسم، قانونگه ماس اختلاس تعریفی شوکی عامه خذمت لرگه ایشلی دیگن بیرشخص، عامه منفعت دن سوی استعمال قیلگن بولسه یاکی اختلاس گه قولی بارلیگی انیق لنسه ، اوچ ییلدن اون ییلگه قدرقماق جزاسیگه محکوم بوله دی، لیکن کابل بانک مسله سی اختلاس ایمس ایدی . او بیرخصوصی بانک ایدی. قانون گه ماس بیز امانت گه خیانت قیلیش اساسیده اولر بیلن یانداشدیک. عیبدار تانیلگن کیشلردن هربیری بیش ییل قماق جزاسیگه محکوم بولدی."

بیرلشگن ملتلر تشکیلاتی نینگ امنیت شورا سی تمانیدن ترقه تیلگن حساباتده، کابل بانک بحرانی باره سیده قولی بولگن باشقه شخص لر بیلن هم حساب کتاب بولیشی اورغولنگن؛لیکن هیچ بیرشخصدن آت توتیلمه گن.

شمس الرحمان شمس، مخصوص محکمه تمانیدن چیقاریلگن قرارگه قاره لاوچی و عیبدار کیشیلر اعتراض بیلدیریشگه حقلری بارلیگینی ایتیب، خارجیلرنی بومسله باره سیده اره له شیشگه حقلری یوق لیگینی تاکیدله دی.

مخصوص محکمه مسووللری کابل بانک قضیه سی باره سیده چیقاریلگن قرار، باشقه ایکی محکمه ده هم بحث بولیشی ممکن لیگیدن خبربیردی.

شونگه قوشیمچه، مخصوص محکمه باشلیغی شمس الرحمان شمس، باشقه 13 کیشی هم قاره لاوچی اداره سی تمانیدن ایزه له نیشی اوشبو محکمه تمانیدن طلب قیلینگنینی ایتدی:"قاره لاوچی اداره سی تمانیدن ایزلنمه گن شخصلرباره سیده محکمه حکم چیقاره آلمیدی، کرزی و قسیم فهیم ایناغه لری قوشیمچه باشقه بیرنیچه شخصنی قاره لاوچی اداره سی تمانیدن ایزه له نیشینی طلب قیلدیک تاسف بیلن قاره لاوچی اداره سی اعتبار قره تمه دی."

افغانستان جمهورریسی حامدکرزی و بیرینچی اورین باسری قسیم فهیم ایناغه لری هم کابل بانک که حصه سی بولگن شخص لر دن ایدی،بیراق بانک قرضلرینی توله گن حصصه دار لر قاره لاوچی اداره سی تمانیدن ایزلنمسلیگی باره سیده ریاست جمهورلیک سرای تمانیدن فرمان صادر ایتیلدی.

افغانستان قاره لاوچی اداره سی حاضرگه قدر سونگی مناسبت لر باره سیده هیچ قندی فکر بیلدیرگنی یوق.