مزارشریف ده کیملیککه قرشی ییغین برپا ایتیلدی

بوگون ینه هم مزارشریف ده یوزدن آرتیق سیاسی و مدنی فعاللر، کیملیک یا الکترونیک تذکره ده مملکت قوملری نینگ اسملری کیریتیلمه گنی گه قرشی یغین اویوشتیرگنلر.

اوشبو فعالللر، دولت نی ایشگه سالینه دیگن تذکره ده قوم لرنینگ اسملرینی کیریتمه گن تقدیرده، افغانستان پارلمانی ایشیگی آلدیده چادرلر تیکیب، اعتراضلریگه دوام ایتدیریشلری ممکنلیگی باره سیده آگاه لنتیر گنلر.

بوندن قریب ایکی هفته آلدین افغانستان اولوسی جرگه سی قوملر اسمی کیریتیلمه گن کیملیک نی تصدیقدن اوتکزدی. لیکن بو مسله قطار عکس العمللر و اعتراضلرگه رو په ره بولگن.

فاریاب ده یوزلب اهالی اولوسی جرگه نینگ عملی نی قاره لب، ایکی هفته دن بیری تحصن اوتکزماقده لر. شونینگ دیک اولر، بوموضوع حل بولمه گونگه قدر اوز تحصن لریگه دوام بیریش لری بیلن آگاه لنتیرگنلر.

الکترونیک تذکره ده مملکت قوملری نینگ اسملری کیرتیلمه گنیگه ایریم دولت مقاملری هم قرشی لیک بیلدیرگن. شونینگ دیک افغانستان ملی اسلامی جنبش حزبی بیر بیانات ترقه تیب، بو مسله نی قتیغ قاره لب چیققن ایدی.