امنیتی پیمان اوچون مذاکره نینگ تورتینچی باسقیچی باشله نیشی کوتیله دی

افغانستان تشقی ایشلر وزیرلیگی گه کوره، امریکا و افغانستان آره سیده امنیتی پیمان امضالش خصوصیده گی ییغین نینگ تورتینچی باسقیچی کابلده یولگه قوییلیشی نظرده توتیلگن.

افغانستان حکومتی، بولیب اوتیشی کوتیله یاتگن ییغینده امنیتی پیمان باره سیده بیرقنچه یوتوق لرگه ایریشیلیشی ممکن لیگینی اورغوله لب، کیلیشوو بیتم لایحه سی ایشلب جیقاریلیشی گه امیدوارلیک بیلدیرگن.

مذکور پیمان امضالنگن حالده میلادی 2014 ییلدن سونگ امریکا کوچلرینی افغانستانده قالیش شرایطینی بیلگی لیدی.

افغانستان و امریکا آره سیده استراتیژیک همکارلیک پیماننی امضالنگنیدن قریب بیرییل اوتماقده، بیرییل دن سونگ باشقه بیر امنیتی پیمان امضاله نیشی مذکور پیمان بندلریدن بیری ایدی. امنیتی پیمان امضالش اوچون شوپیتگه قدر اوچ ییغین اوتکزیلگن، لیکن حاضرگه قدرهم قنده ی دیر ایجابی نتیجه گه ایریشمه گن.افغانستان حکومتی مذاکره نینگ تورتینچی باسیقیچی یقین آره ده پایتخت کابلده بولیب اوتیشیدن خبربیرماقده. مذاکره افغانستان نینگ واشنگتن ده گی ایلچیسی و امریکا نینگ کابلده گی ایلچیسی باشچیلیگیده بولیب اوتیشی کوتیله دی. افغانستان تشقی ایشلر وزیرلیگی سوزچیسی جانان موسی زی مذاکره نینگ بودوری یوتوق لر بیلن بیرگه بولیشیگه امیدوارلیک بیلدیردی:"بودور مذاکره ده یوتوق لر گه ایریشیشگه امیدوار میز، امنیتی پیمان باره سیده کوپ صحبت لر بولگن، ایککی دولت مقا ملری اشتراکی بیلن قوریلگن کمیسیونده بحث قیلینه دی، افغانستان و امریکا نینگ قوشمه منفعت لری اساسیده بو مذاکره بولیب اوته دی. شونینگ دیک اقتصادی و امنیتی موضوع لر هم بو پیمان گه کیریتیله دی. پیمان لایحه سی باره سیده نتیجه گه ایریشدیک رسانه لر آرقه لی برچه افغان لرنی اگاه لنتیره میز."

شونینگ دیک موسی زی جنابلری امنیتی پیمان لایحه سی تیارلنگنیدن سونگ لویه جرگه تمانیدن تصدیق له نیشی ممکن لیگینی اوروغوله دی.

افغانستان حکومتیگه کوره، شوندی بیر پیماننی امریکا قوشمه ایالت لری بیلن امضا قیلشینی ایسته یدی اما صلح جریانینی کوچیتریش، امنیت نینگ تامین لش و افغان امنیتی کوچلری نینگ جهازلنتیریش بو پیماننی امضال لش اوچون ایلگری سوریلگن اساسی شرط لری دن بولگن.

بوندن آلدین افغانستان جمهوررئیسی حامدکرزی امریکا افغانستانده توقیز حربی قرارگاه قوریش نیتیده بولگنینی اظهار ایتگندی.

لیکن کرزی نینگ بو سوزلری کیینچه لیک امریکا مقاملری تمانیدن رد ایتیلدی. کورنیشیچه، امنیتی پیمان خصوصیده امریکا و افغانستان دولت لری آره سیده چوقور قرمه قرشیلیک لر موجود بیراق شوندی بولیشیگه قره مسدن ایککی تمان هم اوز منفعتلری اینابتگه آلینیب مذکور پیماننی امضاله نیشگه امیدوار. اما ایککی دولت اره سیده پیدا بولگن قرمه قرشیلیک امنیتی پیمان باره سیده ، قرار قبول قیلیشنی کیچیکتریب حاضرگی کونده بو موضوع اوته مرکب لشگن.