پارلمان وکیلی محمد محقق انتحاری هجومدن امان قالدی

کابل شهری نینگ بل سرخ منطقه سیده، انتحارچی بیرشخص پارلمان وکیلی محمد محقق موتری مقابلیده اوزینی پارتله تگن. محقق گه کوره، اوزیگه قندی زیان یتمه گن، اما تورت قوریقچیسی یره لنگن، همده مذکور هجومده کابل پلیس اداره سی نینگ ایتیشیچه اوچ تینچ فقرا قربان بولگن.

حاجی محمد محقق، اوز اویدن پارلمان قره ب کیته یاتگن بیرپیت، کابل شهری نینگ پل سرخ منطقه سیده انتحارچی تمانیدن نشانگه آلینگن.

ایتیلیشیچه محمد محقق موتری زیری بولگنی اوچون اونگه قندی دیر زیان یتمه گن، لیکن اونینگ تورت قوریقچیسی یره لنگنی تصدیق لندی.

کابل پلیس اداره سی نینگ سوزچیسی حشمت الله ستانکزی مذکور انتحاری هجومده اوچ تینچ فقرا هلاک وباشقه اوچ کیشی یره لنگنینی ایتدی.

حاضرگه قدرهم حادثه مسوولیتینی هیچ بیرگروه اوز بوینیگه آلمه گن. شوندی هجوملر طالبان عصیانچیلری تمانیدن عملگه آشریلیب کیلماقده.

بوندن بیرنیچه کون آلدین افغانستان عالی محکمه بناسی مقابلیده انتحاری هجوم یوزبیریب اوشبو هجومده، 17 کیشی اولیب و اونلب انسان یره لنگندی.