افغانستان ، امنیتی پیمان باره سیده گی مذاکره لرنینگ وقتینچه لیک توخته تدی

ریاست جمهورلیک سرای نینگ اعلام قیلیشیچه، افغانستان وامریکا آره سیده امنیتی پیمان باره سیده اوتکزیله دیگن مذاکره لرنینگ تورتینچی باسقیچی امریکا صلح خصوصیده بیرگن وعده لرینی عملگه آشیرمه گنی سبب وقتینچه لیک توخته تیلگن.

بوندن بیرنیچه کون آلدین افغانستان تشقی ایشلر وزیرلیگی، امنیتی پیمان باره سیده مذاکره نینگ تورتینچی باسقیچی پایخت کابلده یولگه قوییلشدن خبربیردی. عینی حالده اوشبو وزیرلیک سوزچیسی مذاکره نینگ بودوری یوتوقلر بیلن بیرگه بولیشیدن خرسندلیک بیلدیرگن ایدی.

افغانستان ریاست جمهورلیک سرای بوگون بیر اعلامیه صادر ایتیب، کابلده دوام تارتیب کیله یاتگن مذاکره نینگ تورتینچی باسقیچی وقتینچه لیک توخته تیلگنینی معلوم قیلگن.

همده بیاناتده، افغان دولتی و امریکا مقاملری صلح خصوصیده بیرگن وعده لرینی عملی قیلمه گنی باعث مذاکرهلر نینگ تورتینچی باسقیچی نی وقتینچه لیک توخته تیلیشگه سبب بولگنی قید ایتیلگن. لیکن قرمه قرشی فکرلر توغریسیده معلومات بیریلمه گن.

خوب شوندی ایکن اوتگن کون مذاکره اوچون طالبان نینگ سیاسی دفتری رسمی شکلده قطرده اچیلدی. هرچند افغانستان حکومتی عالی کینگاش اعضالریدن بیرگروه هیات قطرگه سفر قیلیشدن خبربیردی.

باشقه تماندن امریکا و طلبان وکیللری قطرده توغریدن توغری مذاکره اوتکزیشگه تیارگرلیک بیلدیرگنلر.

بوگون ایسه ریاست جمهورلیک سرای بیانات ترقه تیب صلح اوچون پیدا بولگن کیلیشماوچیلیک لر سبب، امنیتی پیمان باره سیده گی مذاکره وقتینچه لیک توخته تیلگنینی تاکیدله گن.