امريكا و طالبان قطرده توغريدن توغري مذاكره گه تيارگرليك بيلديرگنلر

امريكا جمهوررييسي باراک اوباما قطرده طالبان اوچون سياسي نماينده ليك ايجاد ايتيلگني ني طالبان و افغانستان دولتي ارا صلح مذاكره سي عملگه آشيريليشي اوچون خرسند چيليك بيلديردي، اما طالبان نينگ القاعده بيلن علاقه سي ني اوزيشي كيره كليگي باره سيده تاكيدله دي.

شمالي ايرلند ده سكيز گروه نينگ ييغينيده سوزگه چيققن اوباما جنابلري، حامدكرزي نينگ طالبان بيلن مذاكره قيليش اوچون قطرگه هييت يوبارگني ني خوش قرشي له دي.

بوندن آلدين آق اوي رسميلري قطرده تيز آره ده امريكا و طالبان ارا مذاكره عملگه آشيشي ممكنليگي ني اعلان قيلگنلر.

پیش از این مقامات کاخ سفید اعلام کردند که به زودی مذاکرات مستقیم میان آمریکا و طالبان در قطر آغاز خواهد شد.

قطرده طالبان اوچون نماينده ليك ايجا د ايتيليشي اولر بيلن مذاكره جرياني ني آلغه سوريش ده مهم آديم حسابلنه دي.

نماينده ليك آچيش موضوعي اوتگن ميلادي ييل نينگ باشلريده باشلندي و اوشه پيت طالبان امريكا بيلن مذاكره اوتكزه ياتگني ني تصديقله ديلر، اما مذكور ييل مارچ آييده مذاكره لر كيسيليب، نماينده ليك نينگ آچيليش مسله سي هم كيچيكتيريلدي.

طالبان اوچون مخصوص نماينده ليك موجود بولمه گني اولر بيلن مذاكره اوتكزيش هردايم معما گه روپه ره بولگني ايتيله دي. شونينگ ديك انيق آدرس بولمه گني ايكي خودكش هجومچي اوزلريني طالبان نماينده سي همده مذاكره چي صفتيده پارتلشگه موفق بوليشي سبب بولدي.

بيرينچي سي 2011 ييل سپتمبر آييده افغانستانذ تينچليك عالي كينگشي رييسي برهان الدين رباني ني اولديردي و ايكينچي سي ايسه اوتگن ييل دسامبر آييده ملي خوفسيزليك اداره سي رييسي اسدالله خالد ني قتيق يره لنتيردي.

اوشو اداره نينگ آچيليشي بيلن حاضر طالبان ينگي سيما و انيق آدرسگه ايگه بولديلر. اما طالبان اوشبو اداره آرقه لي فقط گينه مذاكره ني آلغه سوره دي مي، يا باشقه سياسي ايشلريني هم آشيريشي ممكن.

بوگون قطرده اوشبو گروه اوچون آچيلگن نماينده ليك اولر نينگ بيراغي هم نماينده سي و قطر تشقي ايشلروزيرليگي معاوني يانيده كورينردي. اونينگ يوزيگه" امارت اسلامي افغانستان" يازيلگن ايدی.

اولر نينگ ايتيشيچه، اوباما جنابلري حامدكرزي بيلن بيرگه قطرده نماينده ليك آچيليشي اوچون سعي وحركت قيلگن وامريكا تشقي ايشلر وزيري جان كيري هم بو توغريده كته رول اوينه گن.

ايتيليشيچه، امريكا و طالبان نماينده لري نينگ ايلك اوچره شوولري قطر پايتختي دوحه ده بوليب اوته دي.

افغانستان جمهور رييسي حامدكرزي بوگون افغانستان دولتي هم مذاكره اوچون اوز هييتي ني دوحه گه يوباريشي ني ايتدي.

امريكا رسميلري گه كوره، اوشبو مذاكره ده امريكا وطالبان ارا محبوس لر المشتيريليشي مسله سي اساسي موضوعلردن بيري بوليشي ممكن.

اولر نينگ ايتيشيجه، مذاكره ده طالبان نينگ زوره وانليك دن قول تارتيشلري، القاعده بيلن اوز علاقه سي ني اوزيشي، افغانستان اساسي قانوني و انسان حقلري ني حرمت قيليشي اساسي شرطلر صفتيده قيد ايتيلگن.

اما حامدكرزي ناتو كوچلري دن حربي عملياتلر رهبرليگي افغان كوچلريگه تاپشيريش مراسمي ااوتگنيدن سونگ، افغانستان دولتي طالبان بيلن مذاكره قيليش اوچون هيچ قنده ي شرط موجود بولمه گني ني ايتدي.

اما او مذاكره نينگ اصولي باره سيده تاكيدله دي. كرزي جنابلري دوحه دن مذاكره مركزي كابل گه كوچيرتيريليشي، زوره وانليكلرگه پايان بيريش وخارجي مملكت لرنينگ صلح جرياني ني سوء استعمال قيليشي آلدي آلينيشي ني تاكيدله دي.

افغانستان جمهور رييسي گه كوره، آلدين دن شرط قويش اورنيده افغانستان دولتي طالبان بيلن مذاكره قيليش اوچون بيرقطار اصول و روش لرني نظرده توتگن و طالبان دن اوني قبول قيليشي ني كوته دي.

جمهور رييس كرزي شونينگ ديك، افغانستان دولتي باشله نيشدن مملكت دن تشقري صلح كيليشووي لايحه سي گه راضي بولمه گن، اما ايريم مملكت لرنينگ باسيمي سبب، قطرده طالبان اوچون نماينده ليك آچيليش لايحه سيني قبول قيلگني ني ايتدي.

اونينگ ايتيشيچه، دولت نينگ طالبان بيلن صلح قيليش جرياني باره سيده، كيليشوو لرني ميزبانليك قيله ياتگن امريكا، پاكستان و قطر دولتي بيلن" چوقورمذاكره" اوتگزگن.

طالبان نينگ قطرده اوتكزگن ايلك مطبوعات انجمني

ايتيليشيچه، امريكا و طالبان نماينده لري آرا ايلك اوچره شوو كيله سي كونلر ايچيده دوحه ده بوليب اوته دي.

طالبان سوزچيسي بوگون قطر ده ايلكبار ينگي دن ايجاد ايتيلگن نماينده ليك ده مطبوعات انجمن اوتكزدي.

اوشبو انجمنده طالبان سوزچيسي محمدنعيم، مذكور گروه افغانستان ني اشغال دن قوتقه زيش اوچون با ر قانون شيوه لردن فايده لنيشي ني ايتدي.

او، قطر تشقي ايشلروزيرليگي معاوني قطر اميري دوحه ده طالبان گه نماينده ليك ايجاد ايتيشگه رسمي رخصت بيرگني باره سيده گپيرگن دن سونگ، صحبت قيلدي.

نعيم جنابلري قطر اميري شيخ احمد بت خليفه الثاني او مملكت ده طالبان اوچون نماينده ليك ايجاد ايتيشده رخصت بيرگني اوچون منتدارچيليك بيلديردي.

طالبان تمانيدن نشر ايتيلگن خبرنامه ده، اوشبو گروه نينگ باشقه مملكت لرگه نسبتآ كوز قره شي ايكي تمانلمه بوليب، طالبان افغانستان قوشني لري شامل دنيا مملكتلري بيلن علاقه اورنه تيشگه قيزيقه دي.

طالبان نينگ ايتيشيچه، افغانستان ني "اشغال دن قوتقه زيش ديني وجيبه لري، بولگني گه قره مه ي، تورلي خيل دليلر باعث قطرده نماينده ليك آچيش لازم كورگنلر.

خبرنامه ده شونينگ ديك، افغانستان دولتي دن آت توتيلمه گن، و اولر افغانستان دولتي بيلن مذاكره قيليب قيلمسليگي باره سيده بيرار نرسه ديمه گنلر.

طالبان گفته اند که هرچند بیرون کردن افغانستان از "اشغال وجیبه دینی" گروه طالبان است اما به پنج دلیل اعضای گروه طالبان لازم دیده اند که ذر دفتر قطر حاضر شوند.

افغانستان بوندن اوچ آلدين قورالي طالبان بيلن مذاكره قيليش اوچون تينچليك عالي كينگشي ني ايجاد ايتدي. صلح ني تامينلش ييتي كيشي ليك كينگش هنوز گچه طالبان نماينده لري بيلن توغريدن توغري مذاكره قيليشگه موفق بولمه گن.

افغانستان جمهور رييسي حامدكرزي بوگون ناتو كوچلريدن خوفسيزليك مسوولليتلر همده حر بي عملياتلر رهبرليگي ني قولگه آليش مراسيميده "صلح عالي كينگشي نينگ سعي وحركتي" افغانستان ده صلح تامينلنيشي گه سبب بوليشي ني ايتدي.

او اوز سوزلريده ينه بير بار پاكستاندن تيروزيزم گه قرشي كوره شده جدي حركت قيليشي ني سوره دي.

جمهور رييس كرزي گه كوره، سونگي ييللرده منطقه ده تينچليك ني تامينلشده قطار فرصتلر قولدن كيتگن و حاضر منطقه مملكتلري صلح تامينلنيشي اوچون سعي و حركت قيليشي كيره ك.