مجاهدلر شوراسی: تخار یوللرینی یاپیب قویدیک

بوندن آلدین شکلنگن مجاهدین ناملی شورا اعضالریگه کوره، تخار بدخشان یولی وتخار ولایتی نینگ ایریم یوللرینی یاپیب قوییگنلر. اولرگه کوره طلب لری مرکزی حکومت تمانیدن نظرده توتیلمه گنی سبب بوعمل گه قول اورگنلر.

بی بی سی نینگ تخارده گی مخپری مبین غفوری گه کوره، حاضرگه قدر قندوز وتالقان اره سیده گی یول بنگی کوپریگی منطقه سیدن باغلنگن. بدخشان و تخار اره سیده گی یول ایسه کلفگان تومنی نینگ شهر مرکزیدن باغلنگن.

کلفگان تومن مرکزیده هم ناراضیلیک نمایش یولگه قوییلگن مبین غفوری گه کوره" کلفگان تومنیده نمایشچیلردن بیرنیچه ته سی یره لنگنی ادعا قیلیماقده، یره لنگن بیرکیشی نی موترگه آرتیب انتقال بیرگنینی کوردیم.

لیکن بو خبر حاضرگه قدر هم رسمیلر تمانیدن تصدیق لنمه گن.

ناراضیلیک نمایش خصوصیده تخار ولایتی نینگ محلی رسمیلری بیلن صحبت قیلیب اولر فکرینی اورگه نیشگه حرکت قیلدیک لیکن اولر بیلن علاقه قوریشگه قادر بولمه دیک.

همده تالقان شهری نینگ توقیز تومنی بیلن باغلاوچی یول هم بیر ساعت آلدین یاپیلگنی ایتیلماقده. شهر ایچکیریسده اهالی نینگ باردی کیلدی سی هم جوده آز کوزه تیله یاتگنی ایتیله دی.

مجاهدلر شورا سی نینگ مهم اعضالریدن و تخار ولایتی نینگ ولایتی کینگاش وکیلی حاج جمشید مرکزی حکومت دن طلب لری نیمه بولگنینی شوندی آچیق له دی:" تخار ولایتیده اکثرا اوزبیک لر یشیدی ، لیکن دولتی اداره لرده اوزبیک لر سانی جوده آز، بیز مرکزی حکومت دن اوزبیک لرنینگ دولتی اداره لرده جایلشتریلشینی سوره دیک، جمهوررییس کرزی و اونینگ بیرینچی اورین باسری بیلن هم اوچره شدیک؛ اما بیزنینگ طلبی میزگه هیچ قندی اعتبار بیرمه دیلر."

همده او، مرکزی حکومت طلب لریگه اعتبار بیرمه گنی سبب یوللرینی یاپیب قویشگه قرار آلگنلکرینی ایتدی.

شونینگ دیک تالقان شهریده مجاهدلر شورا سی نینگ طلبلریدن حمایت بیلدیریش اوچون یوزلب کیشی ناراضیلیک نمایش اویوشتیرگن لر. همده ناراض کیشیلر بیر قطع نامه صادر ایتیب، تخار حاکمی و پلیس باشلیغی نی وظیفه لریدن چیتلنتریلیشینی طلب قیلیب ملی مشارکت نظرده توتیلیشینی اورغوله گنلر.

بوندن آلدین هم تخاره ناراضیلیک نمایش اویوشتریلیب، حاکم و پلیس باشلیغی نینگ وظیفه لریدن چیتلنتریلیشی طلب قیلینگن ایدی.

شونینگ دیک شهر امنیتینی تامین لش اوچون تورت یوللرده پلیس کوچلری وظیفه لنتریلگنی ایتیلماقده.