عصیانچیلر ریاست جمهورلیک سرای گه هجوم قیلدی

افغان مقاملریگه کوره ریاست جمهورلیک سرایگه گروهی هجوم ایوشتیرگن عصیانچیلر، یوزبیرگن توقنه شوو نتیجه سیده هلاک ایتیلیب، حاضر وضعیت عادی حالت گه قیتگن.

بی بی سی خبرنگاری گه کوره، هجومچیلر ریاست جمهورلیک سرای قوریقچیلری آره سیده توقنه شو یوزبیرگن. همده ریاست جمهورلیک سرای یقنیده جایلشگن امریکا استخبارات اداره سیگه تیگیشلی مرکز کوچلری هم عصیانچیلر بیلن توقنه شگن.

افغان مقاملریگه کوره، یوزبیرگن توقنه شوو نتیجه سیده برچه عصیانچیلر هلاک ایتیلیب وضعیت عادی حالت گه قیتگن.

ریاست جمهورلیک سرای نینگ شرقی ایشیگیده آتیشمه و بیرنیچه پارتلش سیسی ایشیتیلگن،طالبان مذکور گروهی هجوم محلی وقت بیلن ساعت آلتی یریم لرده باشلگنینی ایتگن.

شونینگ دیک طالبان عصیانچیلری، بیر بیانات ترقه تیب، ریاست جمهورلیک سرایدن تشقری، مدافعه وزیرلیگی و امریکا استخبارات اداره سی جایلشگن آریانا هوتلی هم نشانگه آلینگنینی ادعا قیلگن.

حاضرگه قدرهم تلفات لر باره سیده معلومات بیریلمه گن.

ریاست جمهورلیک سرایده بولیب اوتیشی ریجه لنگن مطبوعات انجمنیده اشتراک ایتیش اوچون ریاست جمهورلیک سرای تشقریسیده خبرنگار لر توپلنگن بیرپیت بو حادثه یوزبیرگن.

شونینگ دیک، دوحه دن افغانستان گه کیلگن امریکا نینگ افغانستان و پاکستان بویچه مخصوص وکیلی جیمز دابینز هم مطبوعات انجمنی اوتکزیشی کوتیلرایدی، اما گروهی هجوم یوزبیریشی بیلن ایککی مطبوعات انجمنی هم کیچیک تیریلدی.