آق اوی : افغانستان وامریکا رهبرلری مذاکره وعده لريگه قايم

آق اوی تمانیدن ترقه تیلگن بیاناتده، افغانستان وامریکا جمهوررییسلری بير ویدیوسوزلشوو آرقه لی آلیب بارگن صحبتلریده، مذاكره لر افغانستان باشچیلیگیده آليب باریلیشی، صلح وبرقرارليك تامينلنيشي اوچون اینگ یخشی و مناسب یول ایکنینی تاکیدله گنلر.

بیاناتده كيلتيريليشچه، امریکا جمهور رییسی باراک اوباما و افغانستان جمهور رییسی حامدکرزی، طالبان عصیانچيلری و افغانستان تینچلیک عالي کینگشي ارا مذاکره آلیب باریلیشی اوچون دوحه ده طالبان اوچون آچيلگن نماينده ليك ني حمایه قيليشيني بیلدیرگنلر.

امریکا وافغانستان دولتلری صلح جریانی ني حمایت قيليشيني اعلان قیلرایکن، بیرکون آلدین عصیانچیلر جمهور رييسلیک سرایي و امریکا استخبارات اداره سی مرکزیگه گروهی هجوم اویوشتیردیلر.

طالبان عصیانچیلری هجوم مسوولیتینی اوز بوینیگه آلدی.

اوتگن هفته مذاکره لر باشله نيشی اوچون قطر پایتختی دوحه ده طالبان اداره سي آچیلدی.

امریکا قوشمه ایالتلری مذكور اداره ني حمايه قيليشي ني اعلان قيلدي.

طالبان "اسلامی امارت" نشاني و بیراغلرینی مذکور اداره ده کوتردي، لیکن بو موضوع جدی قرشیلیکلرگه سبب بولدی.

افغانستان حکومتی طالبان نینگ بوحرکتینی قتیق قاره لب، شونده ی بیرحالت ده طالبان عصیانچیلری بیلن مذاکره لرگه اشتراک ایتمسلیگینی اعلان قیلدی.

شونینگ دیک افغانستان حکومتی، مذاکره لر افغانلرتمانيدن باشقريليشي کیره کلیگینی تاکیدله دی.

شونده ی قرشیلیکلر آرتیدن، طالبان بیرغی و اسلامی امارات لوحه سی قطر اداره سيدن آلیب تشلنگنی خبرقیلیندی.

باشقه تماندن امریکا نینگ افغانستانده گی ایلچیسی جیمز کانینگهام، سه شنبه کونی گروهی هجوم اویوشتیرگن هجومچیلرنينگ مقصد لریگه ایریشه المه گنینی ایتیب، طالبان زوروانلیکلر وتيروریزمگه قول اوریشلری بیلن اوز مقصد لریگه ایریشه آلمسلیک لرینی اوغوله دی.

دوحه ده نماينده ليك آچیلگني اعلان قيلينگني آرتیدن، طالبان منبعلریگه اساسله نیب تیارلنگن گزارش لرگه کوره، طالبان مذاکره لرگه اشتراک ایتگن حالده هم حربی عملیات لریگه دوام ايتديريشلري ممكن.