افغانستان وبریتانیا رهبرلری صلح جریانی دوامی باره سیده تاکیدقیلدیلر

افغانستان گه سفرقیلگن بریتانیا باش وزیری دوید کامرون ، صلح جریانی افغانلر تمانیدن رهبرلیک بولینیشیدن حمایت بیلدیردی، اما جمهوررییس حامدکرزی حکومت نینگ ضعیف لشتریش و تیزم نینگ ملوک الطوایفی گه اوزگرتریش اوچون سعی حرکتلر بولینه یاتگنینی تیلگه آلدی.

آلدین دن اعلان قیلینمه گن سفر بیلن هلمند او ییردن کابلگه کیلگن بریتانیا باش وزیری، جمهورریسی کرزی بیلن قوشمه مطبوعات انجمنی اوتکزیب، افغانستان برقرارلیگی باره سیده فکر بیلدیریب بوحقده شوندی دیدی:"مینی فکریمچه طالبان بو ایلگری سینجیشلرنی کوریشلری بیلن ترورستی فعالیتلری بیلن افغانستان کیله جگی باره سیده روللری بولمه یشینی بیله دیلر.قوراللرینی ییرگه قویب صلح جریانیگه قوشیله آله دیلر.صلح جریانی افغانلرگه تیگیشلی افغانلر تمانیدن رهبرلیک بولینه دی غرب مملکت لری نینگ باشقه قندی ریجه سی بولمه گن>"

شونینگدیک او، افغانستان کیله جک ریاست جمهورلیک سیلاولر اوچون ترتیبات لر الینه یاگنینی ایتیب، بریتانیا دولتی افغانستان سیلاولر کمیسیونی گه تورت اعشاریه بیش میلیون پوند یاردم بیرگنینی معلوم قیلدی همده اودنیاجماعت چیلیگی نینگ افغانستان خصوصیده همکارلیگینی جلب ایتیش اوچون بریتانیات دولتی تمانیدن بیریغین اوتکزیشدن خبربیردی.

افغانستان جمهورریسی حامدکرزی، بریتانیا دولتی پاکستان وافغانستان علاقه لرینی یخشی لشتریش اوچون جدی حرکت قیلگنینی تیلگه آلیب، بریتانیا نینگ افغانستانده قیلگن همکارلیک لریدن مندارچیلیک بیلدیردی.

باشقه تماندن جمهوررییس کرزی حکومت نینگ ضعیف لشتریش اوچون ایریم تشقی اولکه لر اورینه یاتگنینی تیلگه آلدی. اما کرزی جنابلری شوندی حرکت لر نتیجه بیرمه یشینی ایتدی:" طالبان آرقه لی ملوک الطوایفی حکومت نینگ افغانستان گه تحمیل قیلیش اوچون التی آیدن بیری ایریم حرکت لر باشلنگن، بیرنیچه منطقه نی طالبانگه بیریش بیلن بونینگ عملی قیلماقچی. پاکستاننی هم شوندی حرکت لرگه قوشیله یاتگنی باره سیده خبرلر بیزگه ایتیب کیلگن. اما بو پاکستان منفعتی گه ایمس، چونکی پاکستانلیک طالبان هم ملاعمر نی رهبرلری دیب توشنیه دی. لیکن بوندی حرکت لرنتیجه بیرمیدی."

شونگه علاوه افغانستان جمهورریسی حامدکرزی امریکا و افغانستان آره سیده امنیتی پیمان اوچون بولیب اوته جک مذاکره لرنینگ تورتینچی باسقیچی حاضرگه قدرهم باشلنمه گنینی معلوم قیلدی.

افغانستان دولتی طالبان نینگ قطرده گی دفتریده اسلامی امارات لوحه سی و طالبان بیراقی کوتاریلیشیگه قرشی لیک بیلدریب شوباعث مذاکره لرنی وقتینچه لیک توخته تیلگنینی اعلام قیلگن ایدی.