تخار ده نمايشلر زوره وانليككه دوچ كيليب،اوچ کیشی هلاک بولگنی ایتیلماقده

تخار ده دوام ايتيب كيله ياتگن نمايش اعتراضلرروزه وانليككه ايلنگن. بي بي سي نينگ تخار ده گي دركچيسي گه كوره، تخار ولایتی نینگ عامه ساغلیک رییسی زوروانلیک لرده اوچ کیشی اولیب 52 کیشی یره لنگنینی تصدیق له گن.

ايكي تمان، مجاهدلر شوراسی طرفدارلری و والي طرفدارلري بير بيراولريگه قره ته تاش آتگنی باعث ایکی تمان هم تلفات کورگن. شونینگ دیک اوق هم اچیلگنی ایتله دی.

مجاهدلر كينگشي ني حمايه قيله ديگن نمايشچيلر، والي طرفدارلري آره سيده قوراللي لر بارليگي ني ادعا قيلگنلر.

تخار ده بير هفته دن بيري ولايت حاكمي گه قرشي "مجاهدلر كينگشي" تمانيدن نمايش اويوشتيريليب كيلماقده.

نمايشچيلر دولت دن عدالت تامينلنيشي و اولرگه حق بيريليشي ني طلب قيلگنلر.