افغانستان مالیه وزیری اوز لوازمیده قالدی

افغانستان مالیه وزیری اولوسی جرگه تمانیدن استیضاح بولیب 105 رد رای و 72 ایشانچ آوازی آلیش بیلن اوز لوازمیده قالدی.اولوسی جرگه نینگ بوگونگی یغینیده، 187 وکیل حضور تاپگن ایدی.

اولوسی جرگه نینگ 245 عضوی بولیب وزیرلرنینگ لوازملریدن چیتلنتیریش اوچون 123 رد آوازی یعنی ایللیک علاوه بیر رای گه احتیاج بار، اما تعین لنگن نصاب پوره بولمه گنی سبب مالیه وزیری 105 رد آوازی 72 ایشانچ آواز آلیشی بیلن اوز مقامیگه قالدی.

افغانستان اولوسی جرگه رئیسی عبدالروف ابراهیمی بوحقده شوندی دیدی:" 245 وکیلدن، 187 ته سی بوگونگی جلسه ده حاضر ایدیلر، مالیه وزیری نینگ صلاحیتنی الیش اوچون 123 رد آوزی گه نیاز بارایدی اما مالیه وزیری 105 رد رای آلدی شو اوچون اوز وظیفه سیگه دوام بیره دی."

افغانستان مالیه وزیری عمر زاخیل وال اولوسی جرگه نینگ جواب بیریش جلسه سیگه بارمه گنی و مجلس وکیللریگه عیبلاولر قوییگنی اوچون بوگون عمومی یغینده حضور تاپدی.

ایریم ملت وکیللری مالیه وزیری تمانیدن وکیللرگه قوییلگن عیبلاولر خصوصیده اثبات لاوچی حجت لر کورسه تیلیشینی سوره دیلر.

اما زاخیل وال جنابلری ایریم وکیللرنینگ قاچاق و فساد گه قولی بارلیگینی اثبات لاوچی حجت لرنی افغانستان قاره لاوچی اداره سیگه یوبارگنینی تاکیدله دی.

شونینگد یک مالیه وزیری بوباره ده شونده ی جواب بیردی:" من آلدینگی جلسه ده سیزنینگ سواللرینگیزگه جواب بیردیم، جواب لریم اکثریت ملت وکیللرینی قانیقتیردی، همده بو موضوع قاره لاوچی اداره سیگه یوباریلیشی قرار قیلیندی."

عینی حالده مالیه وزیری قوییلگن عیبلاو لر فقط آلتی ملت وکیلی گه قره تیلگن بولگنینی ایتدی.