"ریاست جمهورلیک سرایی یقینیده گی هجوم نی اوزبیکستان اسلامی حرکتی عملگه آشیرگن"

امریکالیک مقاملر نینگ افغان امنیتی کوچلری گه ایتیشلریچه، بوندن بیرنیچه کون آلدین ریاست جمهورلیک سرایی یقینیده جایلشگن امریکا استخبارات اداره سی گه اویوشتیریلگن هجوم حقانی ترماغی همکارلیگی بیلن، اوزبیکستان اسلامی حرکتی تمانیدن ریجه لشتیریلگن.

افغان امنیتی مقاملریدن بیری نینگ بی بی سی گه ایتیشیچه، اوتگن هفته امریکا استخبارات اداره سیگه هجوم قیلگن سککیز عصیانچی امریکا لیک لرنینگ حربی کییمیده بولگن.

بوندن آلدین هجومچیلرنی افغان حربی کییملریدن فایده له نیشلری خبرقیلینگن ایدی، لیکن امریکا لیک حربیلر نینگ حربی کییمیدن عصیانچیلرنینگ فایده له نیشی بیرینچی بار کوزه تیلماقده.

هجومچیلرنینگ بی بی سی گه ییتیب کیلگن صورتلری، اولرنینگ امریکالیک کیملیک کارت لریدن فایده لگنینی کورسه ته دی.

همده صورتلرده کوریلیشیچه، هجومچی لرمینیلگن زرهلی حربی واسطه لر آنتن لربیلن جهازله نیب بوندن فقط ایلچی خانه لر، بیرلشگن ملت لر تشکیلاتی دفتری وناتو کوچلری فایده لنه دیلر.

سه شنبه کونی ایرته لب محلی وقت بیلن ساعت 6:30 ده هجومچی لر ریاست جمهورلیک سرایی بیلن آریانا رستورانتی نینگ قوشه دیگن محلده جایلشگن امریکا معلومات مرکزی محلی دفتری – سیا- قوروقچی لربیلن ریاست جمهورلیک قوروقچی لری توقنشگن لر.

افغانستان ریاست جمهورلیک سرایی منبع لری نینگ خبر بیریشلریچه، بو واقعه ده ریاست جمهورلیک سرایی نشانگه آلینمه گن، اما کیریله دیگن بو یول، آریانا هوتلی و ریاست جمهورلیک سرایی گه تیگه دی.

ریاست جمهورلیک سرایی یقینیده جایلشگن امریکا جاسوسلیک مرکزی گه اویوشتیریلگن مذکور هجومنی طالب لر اوز ذمه لریگه آلگن لر.

حاضرگچه اوزبیکستان اسلامی حرکتی بو خصوصده هیچ قنده ی مناسبت بیلدیرمه گن.