مدافعه وزیرلیگی: حربی مرکزلر سقله نیب قالیشی گه جدی نیاز بار

افغانستان مدافعه وزیرلیگی خارجیلر تمانیدن افغانستان نینگ تورلی ولایت لریده قوریلگن حربی مرکزلر اولگی حالتی گه سقله نیب قالیشیگه جدی نیاز بارلیگینی تاکیدله دی.

مدافعه وزیرلیگی، امریکا نینگ مخصوص تیکشریش دفتری ( سیگار ) تمانیدن هلمنده گی ملوان مرکزی نینگ بوزیلیشی ممکن لیگی خصوصیده چیقارگن حساباتی دن سونگ بو فکرنی بیلدیدری.

ملوان حربی مرکزی، 34 میلیون هزینه بیلن امریکا لیک حربیلر تمانیدن قوریلگن، اما اوشبو مرکزدن هیچ قندی فایده له نیلمه گن. افغانستانده فعالیت آلیب باره یاتگن خارجی کوچلر، ایریم حربی مرکزلرنینگ بوزیشگه قرار آلینیشیدن اساسی مقصد عصیانچیلر قولیگه توشمسلیگی اوچون بولگنینی ادعا قیلماقده.

امریکا نینگ مخصوص تیکشریش یا سیگار ناملی تشکیلات تمانیدن ترقه تیلگن حساباتیده هلمنده گی ملوان حربی مرکزیدن حاضرگه قدر هیچ قندی فایده له نیلمه گنی تاکیدله نیب، کوزلنگن مقصد اوچون کیله جکده هم فایده لنیمسلگی ممکن لیگی اورغولنگن.

سیگار تمانیدن ترقه تیلگن بیش بیت دن عبارت بولگن حساباتده یازیلیشیچه، مذکور مرکز 1200 - 1500 حربی جایله شیش امکانیتی گه ایگه.

اوشبو مرکزنینگ قوریش ایشی میلادی 2010 – ییلده امریکا سنا مجلیسی نینگ قراری اساسیده باشلندی.نیچه آیی دن سونگ ، نامعلوم سبب لرباعث ایشی توخته تیلدی ، اما کینچه لیک قتیه دن قوریش ایشی باشلندی.

امریکا نینگ مخصوص مفتشی جان سوپکو گه کوره، امریکا لیک مقاملر، هلمنده گی ملوان حربی مرکزی نینگ بوزیش یاده افغان حکومتی گه تاپشریلیشی ممکن لیگینی ایتگن.

عینی حالده جناب سوپکو امریکا حربیلری نینگ اظهاراتیگه ماس افغان حکومتی مذکور حربی مرکزنینگ سقله شیگه کوچی یوق لیگی ایتیلیب شواوچون اوشبو مرکز طالبان عصیانچیلری قولیگه توشیشی ممکن دیگن خواطرلرموجودلیگینی ایتگن.

امریکا نینگ مخصوص مفتشی نینگ ایتیشیچه، امریکا لیک لرنینگ بیرگن مالیه سی آرقه لی قوریلگن شوندی مرکز دن هیچ قندی منفعت قولگه کیلمه گن.

اما افغانستان مدافعه وزیرلیگی ملوان حربی مرکز مسوولیتینی اوز ضیمه سیگه آلیشگه تیارایکنینی معلوم قیلگن. عینی حالده افغان مقاملری شوندی مرکزلر آلدینکی حالتیگه قالیشگه جدی نیاز بارلیگینی ایتگن.

بوندن آلدین هم ایریم منطقه لردن خارجی کوچلر چیقیب کیتیشی بیلن اولرگه تیگیشلی بولگن حربی مرکزلر افغان حکومتیگه تاپشریلیشی طلب قیلینگن ایدی.