سيلاولر قانونني نهایتده پارلمان تمانيدن تصديقلندي

Image caption ، كميته ده قانونده گي جنجللي حاللري برطرف ايتيليب، اونينگ تيز آره ده تصديقلنيش اوچون جمهور رييس كرزي گه يوباريله دي

افغانستان سيلاولرقانوني اوزاق جنجللردن سونگ، مملكت ايكي مجلسي نينگ قوشمه كميسيوني تمانيدن تصديقلندي و تيز آره ده جمهور رييسگه جونه تيليشي ممكن. مذكور كميسيون اعضالريدن بيري اسدالله سعادتي نينگ بي بي سي گه ايتيشيچه، كميته ده قانونده گي جنجللي حاللري برطرف ايتيليب، اونينگ تيز آره ده تصديقلنيش اوچون جمهور رييس كرزي گه يوباريله دي. قانون گه بنآ، جمهور رييس اوني رد يا تصديقلش صلاحيتيگه ايگه. اما سعادتي جنابلري اوني تصديقله گن حالده، ايشگه سالينيشي ممكن دييدي. اولوسي جرگه اوشبو اعضاسي گه كوره، قانون نينگ اوچ بنديده جنجللي حاللر موجود ايدي، اولر هندولر دن بير نماينده سيلش، اونته نماينده كوچمنچيلردن، سيكلر، ولايت و تومن كينگشلرده عيال نماينده لر مسله سيدن عبارت ايدي. سعادتي نينگ ايتيشيچه، اولوسي جرگه اعضالري همده مذكور قوشمه كميته اوچله حالت اساسي قانون ده ايضاح بيريلمه گني اوچون، ناقانون ايكني ني بيلديريشگنلر.