كانكورسيناوي حقيده گي لايحه ، اعتراضلر بیلن دوچ كيلدي

کانکور سيناوی افغنستان عالی اوقوو وزیرلیگی تمانیدن سهمیه بندلیک بولگنی گه قرشی ناراض لیک نمایش لر دوام ایتماقده .

پایتخت کابل ده بیرقطار مدنی قوريلمه وکیل لری پارلمان برابریده توپلنیب عالی اوقو یورت وزیرلیگی نینگ بو لایحه سیگه قرشی اعتراض بيلدیرديلر.

افغانستان عالی اوقو یورت وزیرلیگی اوتگن ییلی کانکور سيناوی نتیجه سی اعلان بولگن دن سونگ، اورته گه چيققن جنجال لردن کین اولکه ده اجتماعی عدالت تامین بولیشی مقصدیده بو لایحه نی بیر قطار متخصص لر مدنی قوريلمه و پارلمان اعضالری و ایریم عالی اوقوو یورت ریس لری یاردمی بیلن تیارلب اونی یقین کون لرده وزیرلر کينگشی گه جونه تيشي توغريليگيني اعلان ایتکن دی.

افغانستان پارلماني بنا سی یقینده توپلنگن مدنی قوريلمه اونب اعضا لری عالی اوقوو یورت وزیرلیگی بو لایحه سی نی لیاقت و شایسته سالار لیک گه قرشی اتب بو لایحه وزیرلر کينگشی تمانیدن تصدیق لنگن تقدیرده، اهالی حقی تلف بوله دی دیديلر.

بو اعتراض لی يیغین اشتراكچيلریدن بیری شاه اغا احمد ذکی کيله سی ییل لرده عالی اوقوو یورت وزرلیگی مملکت عالی درگاه لریده قبول بوله یاتکان طلبه لر سانی ني کوپیتيریشی اورنیده بونده ی ناتوغری سنجش بیلن اهالی نی بیرقطار اساسی حق لریدن محروم قيلماچی دیدی:"افغانستان ده عالی اقو یورت ساحه سیده کاتته مبلغ لر حاضرگه قدر صرف بولگنی و بو وزیرلیکه ده شو حاضر هم دوام ایته کان فساد وکمکارلیک لرگه قرگنده حالی هم بو وزیرلیک نی ظرفیتی 60 مینگ دن اشمگن شونی اوچون حاضر بیرقطار دولت ارباب لری ناتوغری سنجش و سیاست لری بیلن یاش لریمیز نی عالی اقویورت لرده یول تاپیشدن محروم قلیب عالی بیلیم یولی ده توسق یرتمقاه لر دیب ایتی بو اعتراض چی."

عین دمده بوگونگي اعتراض ده قتنشکن کابل ولایتی کينگاشی اعضاسی اجمل بلوچ زاده هم ولایت لرنی علمی جهت دن سهمیه بندلیگي نی ناتوغری سنجش اتب بو سوال نی اورتگه قویدی :"بیر ولایت ده لیاقت و درجه جهت دن از کيشی اگر کانکور ده موفقیت قازانسه و باشقه بیر ولایت ده موفقیت حاصل قلگن لر سانی اوته کوپ بولسه بیز قندای بو لیاقت لی ادم لرنی بو ولایت دن محروم قلیب اونی اورنیده بی لیاقت و بی استعداد ادم لرنی عالی اقویورت لرده کامیاب قله اله میز بو مینمچه بیر بی سنجش ایش دیر و دینا نی هیچ مملکت ده بونقه قانون و اصول یوق" دید بو ملت وکیلی.

کابل ولایتی کينگشی نینگ بو اعضا سی اگر دولت و عالی اوقو یورت وزیرلیگی و خصوصا پارلمان بو علمی حق طلب لیک الدینی الیش ده اعتبار قرتمسه لر بیز مدنی قوريلمه فعال لری بیلن یان مه یان بو اعتراض لری میز نی دوام ایتره میز دیب آگاه لنتردی.