افغانستان غربیده ایرانگه قرشی ناراضیلیک نمایش

ایران نینگ افغانستان ده گی باش کنسولی ایش اوچون ایران باره دیگن هر بیر افغان ایچشیدن اینگ آز 300 یورو ضمانت آلیب ایشچیلر قیتیب کیلگنیدن سونگ بو مبلغ نی بیریشنی سوز بیرگن، اما یوزلب اهالی قیتیب کیلگن ایشچیلرپوللری قیته ریب بیریلمه یاتگنینی ادعا قیلگن لر.

اوتگن کون قریب بیرمینگ کیشی هرات ولایتیده جایلشگن ایران کنسولخانه سی مقابلیده ناراضیلیک نمایش اویوشتیردیلر.

اعتراض چی لر دن هر بیری تورت بیش آی دن بویان کنسول خانه ده ضمانت قویگن پول لری نی آله آلمسلیک اوچون سرگردان ایکن لیک لرینی ایته دیلر.

ییگرمه مرته هرات گه کلیب کیتدیم بوکون کیل ایرته کیل دیب ایران کنسولخانه سی رسمی لر بهانه قلدیلر دیب ایتی هرات ولایتی نینگ کشک کهنه ولسوالیگی یشاوچی لریدن بیری.

عین دمدمه بیر ییل آلدن ایران دن ویزا آلگن و عین شو تاریخ ده 300 یورو ضمانت تاپشیرگن ینه بیر اعتراض چی هم ایران دن قیتیب کیلگنی تورت آی بولگنینی ایتیب حاضرگه قدر ضمانت شکلده قوییگن پولنی آلیشگه موفق بولمگنینی ایته دی.

نمایش اویوشتیرگن شخصلر بوندن الدین اوچ تورت مرته ولایت حاکمی گه شکایت قیلگن لر و افغانستان نینگ تشقی ایش لر وزیرلیگی نی هرات ده گی وکالت خانه سیدن کنسول خانه گه مکتوب کیلترگن لری نی تاکید لب اما ایران لیک ملازم لر بو مکتوب لرگه هیچ قندی بها بیرمه گنینی تنقید لیدیلر.

ایککی ای دن بیری هرات نینگ اوزاق بیر ولسوالیگی دن اوز پولی نی الیشی اوچون باریب کیله یاتکان ینه بیر اعتراض چی اوز اعتراض نی شوندی بیان ایته دی " بیز مردم قیرگه باریلیک اگر ولایت حاکمی گه مراجعت قلماقچی بولسک حاکم عسکر لری ایزین بیرمیدی اگرمدنی روش ده اعتراض قیلسک منه کوردیزچه پولیس یمان مناسبت کورستیب تهدید قیله دی دیدی بو اعتراض چی."

کورنیشی دن ایران وکالت خانه سی هر کونی افغان قورقچی پولیس لر تمانیدن آلینگن رویخط یوزیدن ، اوتیز یا قریق کیشی گه ضمانت پولی نی قیتریب بیره دی .اکثر اعتراض چی لر انه شو رویخط ده اوز اسم لرنی کیریتیش اوچون کنسولخانه نینگ افغان قورقچی لریگه ایککی یا اوچ مینگ افغانی پاره بیرمسه رویخط ده النمسلیگی دن هم شکایت ایتماقده.

اما هرات پولیس سوزچی سی پولیس کوچ لری پاره آلیشی نی رد ایتیب، ناراضیلک نمایش زوروانلیککه ایلنمسلیگی اوچون نمایشچیلر پلیس تمانیدن منطقه دن چیقاریلگنینی ایتدی.

ایران رسمیلری بو اعتراض باره سیده هیچ قندی فکر بیلدیرمه گن، اما هرات پلیس سوزچیسی بو مسله حلی اوچون پلیس اداره سی تمانیدن بیرهیات تعین ایتلگنینی معلوم قیلدی، پلیس گه کوره هیات و ایران رسمیلر اره سیده بو موضوع حلی اوچون مذاکره لر باشلنگن.

افغانستان ده ایش سیزلیک باعث ایران گه ایش قیدیریب باره یاتگن افغان لر سانی کوپ . بولرنینگ اکثریتی قاچاق شکلده ایران باره دیلر.

ایران حکومتی ناقانونی یول لرالدینی الیش اوچون قریب ایککی ییل دن بویان افغان ایش چی لردن معتبر ضمانت الیب اوچ ایی لیک ویزا بیرماقده .لیکن اوچ آی مدتی از بولگنیگه قرگنده ایشچی لرگه اونچه لیک ثمره لی ایمس .باشقه تماندن ایتیلیشچه ضمانت شکلده تاپشیریلگن پوللر اوز وقتیگه ایشچیلرگه قیته ریب بیریلمه گنی هم اساسی معما گه ایلنگن.