سرتاج عزیز: پاکستان طالبان بیلن مذاکره آلیب زمینه سینی یره تیب بیریشگه تیار

پاکستان باش وزیری نینگ امنیت و تشقی ایشلر بوییچه مصلحت چیسی، سرتاج عزیز اوتمیشلردیک، طالبان نینگ تینچلیک عالی کینگاشی بیلن مذاکره آلیب باریش اوچون زمینه یره تیب بیریشگه پاکستان تیار ایکنینی معلوم قیلدی.

سرتاج عزیز بوسوزلرنی افغانستانگه بولگن سفری ده بیان ایتگن.

عینی حالده او، پاکستان نینگ، سابق طالبان بیلن علاقه ده بولگنینی اورغولب، افغانستانده تینچلیکنی تامین لش اوچون کیله جکده هم بو کبی علاقه لر قوریلیشگه اورغوبیردی.

شونگه علاوه پاکستان ملی امنیت مصلحت چیسی صمیمت بیر پیام بیلن کیلگنینی اورغولب نواز شریف باشچلیگیده گی ینگی حکومت ایکی اولکه آره سیده بولگن علاقه لرنی مستحکم لش اوچون تعهد لی ایکنینی ایتدی.

رسمی سفر بیلن افغانستانگه کیلگن پاکستان باش وزیری نینگ ملی امنیت مصلحت چیسی سرتاج عزیزخوف سیزلیک مسوولیت لرنی افغان لرگه تاپشریش جریانیگه اشاره قیلیب شو باعث افغانستان نازک بیر مرحله گه قرار تاپگنینی تیلگه آلدی.

شونینگ دیک سرتاج عزیز افغانستان تشقی ایشلر وزیری بیلن اوتکزگن قوشمه مطبوعات انجمنیده افغانستانده تینچلیک و برقرارلیک تامین له نیشی خصوصیده صلح جریانی نی تیزلشتیریش اوچون پاکستان نینگ جدی همکارلیک قیلیش وعده سینی بیردی.

"آلدین هم ایتدیم طالبان بیلن اوتمیشدن علاقه میز بار ایدی. اما اولرنینگ نظارتی بیزنینگ اختیاریمیزده ایمس، تینچلیک عالی کینگاشی طالبان بیلن ملاقات زمینه سی یره تیلیشینی بیزدن طلب قیلدی.اوشه پیت بیز بو زمینه مهیا قیلدیک، اولر بو هدف لریگه یتیشیش گه قادر بولدی. همده بیز تینچلیک عالی کینگاش طلبی اساسیده 26 طالبان محبوسی نی قماق دن ازاد ایتدیک، اگر اولر ینه هم بیزدن طلب قیلسه شوندی زمینه نی یره تیشگه قادر میز اما مناسب بیرزمانده، تمانلر مصلحتی اساسیده" .

همده عزیز جنابلری افغانستانده تینچلیک اورنه تیلیشی پاکستان منفعتیگه ایکنینی تاکیدله دی.

حال بوکی افغانستان حکومتی نیچه بار پاکستان نینگ تروریزم گه قرشی جدی کورشمه یاتگنی و طالبان دن حمایت قیله یاتگنلیکده عیبله گن. همده پاکستان نینگ صلح جریانیگه هم یخشی همکارلیک قیله یاتگنیگه عیب له ماقده. اما شوندی بولیشگه قره مسدن افغانستان تشقی ایشلروزیری زلمی رسول پاکستانده ینگی حکومت اورته گه کیلیشی بیلن ایکی دولت علاقه لری یخشی له نیشیگه امید بیلدیردی.

"نواز شریف باشچلیگیده گی ینگی حکومت بیلن ایککی دولت آره سیده گی علاقه لرینی یخشی لشتیریش اوچون ینگی صفحه آچلیشگه امید وار میز. اوتمیش لرده هم بیز شوندی حرکت لرنی یولگه قویگن ایدیک لیکن نتیجه بیرمه گن ایدی لیکن بیز ینگی حکومت بیلن علاقه لرنی یخشی لشتریشگه امیدوار میز".

همده زلمی رسول ، افغانستان نینگ پاکستان دن بولگن طلبی، اوشبو مملکت نینگ افغان لر باشچلیگیده صلح جریانیدن حمایت بیلدیریش و ایککی اولکه آره سیده علاقه لر یخشی له نیشی بولگنینی ایتدی.

پاکستان باش وزیری نینگ امنیت وتشقی مصلحت چیسی سرتاج عزیز علاقه لرنی یخشی لشتیریش اوچون جمهوررئیس کرزنی پاکستانگه سفرقیلیشگه دعوت ایتدی.

پاکستان ده ینگی حکومت اورته گه کیلیشی بیلن ایککی دولت یوقاری مقاملری بیر بیراولرینی سفر قییلیشگه دعوت قیلگن ایدی. ایککی دولت مقاملری هم اچیق جواب بیرمه گن ایدی.

سرتاج عزیز مذکور سفرجریانیده افغانستان تجارت وزیری انورالحق احدی بیلن هم ملاقات اوتکزیب بوگون اقشام جمهوررییس کرزگه ممهان. او ایسه بو ضیافت ده تورلی موضوع لر خصوصیده جمهوررئیس کرزی بیلن صحبت آلیب باریشی کوتیله دی.