اوزبيكستان سياحليك بيزنيسي نه قدر درآمدلي ساحه؟

اوزبيكستانده 865 سياحليك كارخانه فعاليت يوريته دي. اولرنينگ ساني ينه ده آشيشي كوتيلماقده. اما بوساحه ده ايشله ياتگنلر سياحلرنينگ سانيني دييش انچه قيين ايكنليگي ني ايتيشه دي. بازاوستيگه اوروپا ده دوام ايته ياتگن اقتصادي انقراض سياحلرآقيميني بيرمونچه پسه ي تيرگن.

اوزبيكستانده سياحليك كارخانه سي آچيشينگيز اوچون حساب رقمينگيزده 35 ميليون سوم يا كه 13 مينگ دالر پولينگيز بوليشي كيره ك. " سا- ميلي تورس " كارخانه رهبري عزيز سراجوف اوشبو ساحه گه كيريب كيلگني گه ايككي ييلدن آشدي. اونينگ ايتيشيچه، اوشبو پوللر" اوزبيك توريزم دن " ليتسينزيه آليش اوچون كيره ك بوله دي.

" اوزبيك توريزم" دن ليتسينزيه آليش اوچون اوشبو پوللرحساب رقميميزده بارديب كورسته ميز. كيله ياتگن سياحلرگه قنقه كفالت بيره آله سيزلر، ديب سوره يدي. شونينگ اوچون بوپوللرتوره دي. باشيده مجازتاپيش اوچون تيكينگه خذمت قيله ميز. خارجده گي تورفابريكه لرنينگ آپيره تورلريني اوزيميزنينگ يانيميزدن چيقه ره ميز" ، دييدي عزيز سراجوف.

بوندن تشقري كارخانه ني رواجلنتريش اوچون ويب – سايت آچيش، ايشچيلر يوللش و اولرگه آيليك كيره ك بوله دي. كارخانه رهبريگه كوره، اوندن سونگ خره جتلر ينه ده آشيب باره ويره دي. كارخانه ينگي آچيلگني اوچون حاضرگچه خره جتلر بيلن يوريبمن. شو ييل نينگ اوزيده 5 مينگ دالرگه يقين خره جت قيلديم. باشقه دولتدن تور اگينتلرني تاپيب، اولرني اوزبيكستانگه تكليف قيليش وكورستيشيم اوچون شونچه خره جت قيلديم، دييدي " سا- ميلي تورس " شركت رهبري.

ليكن شو وقتگچه نتيجه سي كوتيلگني ديك بولگني يوق. سياحلر آقيمي نينگ پستليگيگه اوروپا ده دوام ايته ياتگن اقتصادي انقراض هم كتته تاثير قيلماقده .

" شو ييل فرانسه دن بيشته ليك بيرگروه و اوچته آدم عمومي 8 ته سياح كيلدي. تصورقيله يپسيزمي؟ بوكم. كريزس دييش يپتي. بلغار ياده همكاريم بار. اوهم جونه ته آلمه يپتي. ميلي ايندي كريزس نينگ اوتيشيني كوته ميز" ،- دييدي عزيز سراجوف.

بوندن تشقري مجازلرني تاپيش اوچون كارخانه خارجده تشكيل قيلينه ديگن توريستيك يرمركه لرگه باريشي و اوز خذمتلريني جانلي روشده ترغيب قيليشي همده بوكليت و البوم لر چيقه ريشي لازم. بولرنينگ همه سي خره جت اوستيگه خره جت.

اوزبيكستانده توريزم بيزنيسي ييلدن – ييلگه رواجلنه ياتگني و بوگونگه كيليب سياحليك دن توشيه ديگن درآمد پولي ايچكي محصولاتيگه سل كم 2 فايزني تشكيل قيله ياتگني ايتيله دي.

مملكتده گي 865 ته سياحليك تشكيلاتي نينگ يرميدن كوپي مهمانخانه بيزنيسي بيلن شغللنه دي. " اوزبيك توريزم" ملي شركتي مملكتگه بير ييلده اورته چه يريم ميليونگه يقين خارج ليك سياحلر كيريشي حقيده معلومات بيره دي. سياحليك كارخانه لري هر بيرتوريستدن اورته چه 30 -50 دالرخذمت حقي آليشي ممكن. بو بيزنسگه ييريك سرمايه كيريتگن كارخانه لر ييلي بيرنيچه اوتوبس وميكرواوتوبس لرده سياحلرني آليب كيليشگه موفق بوليشه يپتي.

بيراق كم سرمايه وهمكارلر بيلن ايشله ياتگن اورته چه تورفيرمه، سونگي ييللرده قتيق قيينچيليكلرگه دوچ كيلگن. بير ييلده اورته چه 100 نفر سياحگه خذمت كورستووچي تاشكينت ده گي فيرمه خادمي كريزس و اوزبيكستانده ايفيره توريزم نينگ رواجلنمه گني سياحلر آقيميگه كيسكين تاثير قيله ياتگنيني بيلديردي. اونگه كوره، اوروپا ليك سياحلرآلدينگي ديك صفتگه ايمس، ارزان نرخ لرگه اعتبارقره تيشماقده.

"اقتصادي انقراض طفيلي اوزبيكستانگه كيله ديگن توريستلرساني كيسكين كميه دي، ديسم اده شمه ي من. بو ييرگه كيليشگه قيزيقيش آرتيب باره يپتي< ليكن سياحليك يخشي رواجلنمه گني، مهمانخانه لر اورته سيده رقابت پستليگي و نرخلرده چيگيرمه لر يوقليگي طفيلي، مملكتيميزگه كيليب كيتيش خره جتلري قيسقرمه يپتي، حاضرده فيرمه لر درآمد كوريشدن هم مهمراق نرسه اوز همكارلريني اوشلب قاليش يوليده باش باش قاتيريشماقده" دييدي اسميني آشكار قيليشني ايسته مه گن فيرمه خادمي.

سمرقند شهريده گي "سلام تراويل" فيرمه سي رهبري قهرمان تاش تيميروف فيرمه لر اوشبو وضعيتدن چيقيب كيتيش اوچون تورلي چاره لرني كوره ياتگنيني ايته دي. "وضعيت دن چيقيش اوچون خذمت تورلريميزني باييته يپميز. قوشيمچه خذمتلرني تكيليف قيله يپميز. نرخلريميزني هم توشيريشگه حركت قيله يپميز. عادي مثال قوشيمچه كنسرتلر قوييب بيره يپميز. ملي طعاملردن فنته زيه يره ته آله ديگن آشپزلرني جلب قيله يپميز"، دييدي قهرمان تاش تيميروف.