افغانستان شرقیده سیمرغ ناملی ییریک حربی عملیات دوام ایتماقده

افغانستان ملی اوردوسی افغانستان شرقیده یولگه قوییلگن " سیمرغ " ناملی عملیات یوتوق لر بیلن بیرگه بولگنیدن خبر بیرماقده. بو عملیات ایسه لوگر ولایتی نینگ ازره و ننگرهار ولایتی نینگ حصارک تومنلریده ایکی کون آلدین باشلنگن.

افغان مقاملریگه کوره طالبان عصیانچیلری بو ایکی قوشنی تومنلرده اوزفعالیت لرینی کوچیتیریب، کابل داخل باشقه ولایت لرنی ناتینچ قیلیش نیتیده بولگن.

افغان امنیتی کوچلری تمانیدن مستقل شکلده آلیب باریله یاتگن سیمرغ ناملی عملیات ییریک حربی عملیات دیه کورسه تیلماقده.

بو عملیاتده طالبان نینگ فعالیت مرکزیگه ایلنگن لوگر ولایتی نینگ ازره و ننگرهار ولایتی نینگ حصارک تومنلریده یولگه قوییلگن.

مذکور تومنلرده کمیده تورت یوز عصیانچی موجود لیگی ایتیلیب، عصیانچیلرنینگ یوق ایتیش ناتینچلیک لر باعث یاپیلگن یوللرنی قیته آچیش اوچون بو عملیات یولگه قوییلگن.

مذکور عملیات افغان امنیتی کوچلری تمانیدن یولگه قوییلیب، هوای کوچدن هم فایده له نیله یاتگنی ایتیله دی.

افغانستان ملی مدافعه وزیرلیگی نینگ عملیات لر بویچه مسوولی جنرال افضل امان کابلده اوتکزگن مطبوعات انجمنیده بوحقده شوندی دیدی:"دشمن ازره تومنیدن کابل ولایتیگه تیگشلی بوتخاک، خاک جبار حدودلری، لوگر ولایتی نینگ مهم منطقه لری،پکتیا ولایتی نینگ چکمنی دادی حدودلری عینی حالده کابل سروبی جلال آباد شاه یولی نی ناتینچ قیلیش نیتیده بولگن. حصارک تومنیده گی عصیانچیلرهم بولر بیلن یاردم له شیب اوز فعالیت لرینی کابل، لوگر، ننگرها و پکتیا ولایتلریده کینگیتریشنی مقصد قیلگن ایکنلر."

شونینگ دیک افغان حربی مقاملری عملیات جریانیده ایریم چیت ایللیک جنگره لر قولگه آلینگنیدن خبربیردی، اما قندی دیر مملکت دن آت توتمه دیلر.

عینی حالده افغانستان مدافعه وزیرلیگی "سیمرغ"عملیاتی جریانیده حاضرگه قدر اوردو عسکرلریدن ایکته سی هلاک بولگنینی معلوم قیلیب ، طالبان عصیانچیلریگه هم آغیر تلفات یتکیزیلگنینی تاکیدله ماقده لر.