کرزی روحانی نینگ قسم یاد مراسمیده اشتراک ایته دی

افغانستان تشقی ایشلروزیرلیگی افغانستان جمهور رئیسی حامد کرزی ایران نینگ سیلنگن جمهور رئیسی حسن روحانی نینگ قسم یادمراسمی گه اشتراک ایتیشیدن خبربیرگن.

بو مراسم 13 اسد یکشنبه کونی یولگه قوییلیشی کوتیله دی.

بوبیاناتده کیلیشیچه کرزی نینگ بو سفرده افغانستان تشقی ایشلر وزیری داکتر زلمی رسول هم همراه لیک قیلیشی ممکن .

افغانستان تشقی ایشلر وزیرلیگی نینگ تاکیدلشیچه افغانستان وایران ایکله قوشنی برادر،مشترک تیل ومدنیت گه ایگه خلق لربولگن.

شونینگ دیک بوبیاناتده بو ایکله مملکت اوتگن اون ییلده یقین علاقه ده بولیب وتورلی ساحه لرده همکارلیک لرینی دوام ایتدیرگن لری معلوم قیلینگن.

افغانستان تشقی ایشلروزیری ایکله مملکت آره سیده همکارلیک لرنی تاباره رواجله نیشی باره سیده اورغولب، افغانستان نینگ اقتصادی وتجارتی ساحه لرده همکارلیک لری آشیشی مهم ایکن لیگی نی معلوم قیلگن.

ایران تشقی ایشلر وزیرلیگی نینگ معلوم قیلیشیچه، امریکا و اسرائیل دن باشقه برچه مملکت لروکیللریدن روحانی جنابلرینی نی قسم یاد قیلیشی اوچون اوتکزیله دیگن مراسمده اشتراک ایتیش اوچون چقیرگن.

بیراق اروپا گه اعضا بولگن مملکت لرفقط تهران ده گی ایلچی خانه لری نینگ اعضالری نی بو مراسم گه قتنشیش لری باره سیده قرارآلگن لر.