بریتانیالیک حربی لرطالب لربیلن اوروش قیلیش اوچون هلمند ولایتی نینگ سنگین تومنی گه قیتگن

بریتانیا حربی لری ممللکت جنوبیده جایلشگن هلمند ولایتی نی ترک ایتیشیدن 3ییل اوتیشی بیلن ینه بوتومن گه قوراللی لر بیلن اوروش قیلیش اوچون قیتگن لر.

بریتانیا مدافعه وزیرلیگی افغانستان حکومتی طلبی اساسیده 80عسکری سکیز کونلیک عملیاتده اشتراک ایتگنینی تصدیقله گن.

سندی تایمزکونده لیگی نینگ گزارشی گه کوره بریتانیا مدافعه وزیری فیلیپ هاموند اوز ی شخصا بریتانیا حربی لریگه هلمند ولایتی نینگ سنگین اولوسوالیگیده گی تازه لش عملیاتی ده اشتراک ایتیش بویروغینی بیرگن.

بو عملیات ده بریتانیالیک 80عسکر افغان کوچلری بیلن بیرگه حصه قوشگن.

سندی تایمزنینگ یازیشیچه بریتانیا حربی لریگه قره تیلگن تهدید لریوقاری لیگی سبب بریتانیا مدافعه وزیرلیگی تمانیدن بو مملکت حربی لری نینگ عملیاتده اشتراک ایتیش مساله سی اوروش یکونی گچه گزارش بیریلمسلیک طلبی قیلینگن.

بریتانیا مدافعه وزیرلیگی گه کوره، اوشبو عملیاتده عصیانچی لرنینگ بیر قطاراعضالری اولیب وبیر قنچه لری هم یره لنگن اما بریتانیا حربی لریگه ضررییتمه گن.

شونینگ دیک اوتکزیلگن بوعملیاتده 30ته یول یانیده اورنه تیله دیگن ماین هم کشف ایتیلیب بیکار قیلینگن.

بو وزیرلیک نینگ معلوم قیلیشیچه، بریتانیالیک حربی لرنینگ سنگین ده گی اوتکزیلگن حربی عملیاتده بولگن رولی افغان کوچلری گه باشقریش اوچون زمینه یره تیب بیریش بولگن.

ایتیلیشیچه میلادی 2006ییلدن 2010ییل گچه بریتانیا حربی لریدن اوشبو منطقه ده یوزبیرگن توقنه شوولرده 106عسکری هلاک ایتیلگن.

بریتانیا حربی لری نینگ قوراللی طالب لرگه قرشی اوریش اوچون سنگین تومنیگه حصه قوشه یاتگن لری، افغان امنیتی کوچلری نینگ قابلیت لری امنیت نی تامین لش مساله سی خصوصیده کوپگینه سواللرنی توغدیدماقده.

محلی تحلیل چی مولانا مومن مکریت افغان کوچلری هلی هم عملیات لرنی یولگه قوییش گه خارجی کوچلریاردم بیریش لریگه احتیاج لری بارلیگی ایته دی.

شونینگ دیک مکریت جنابلری گه کوره بیر هلمند ولایتی ایمس خارجی لر اوز چیققن جایلریگه قیته باریب قوراللی لر بیلن اوروش گه حصه قوشگن بولسه لر، بلکه خارجی لرچیققن باشقه منطقه لرده هم شونگه اوخشش عملیات لرخارجی کوچلر تمانیدن عملگه آشیریلگنی نی ایته دی.

افغانستان مدافعه وزیرلیگی بریتانیالیک حربی لردن اوشبوعملیاتده اشتراک ایتیش اوچون یاردم سوره لگنی نی رد ایتگن.

عین حالده محلی رسمی لر طلب لری گه کیچراق جواب بیریلگنی اوچون افغان کوچلری فقط اوزلری بو عملیات نی اوتگزگن لرینی ایته دیلر.

هلمند ولایتی حاکمی نینگ سوزچیسی، افغانستان دولتی بوعملیات نی عملگه آشیرر اوچون وقتنی قولدن بیرمسلیگی نی معلوم قیلگن، اونگه کوره عملیات موفقیت بیلن عملگه آشیریلیب، حاضر بو تومن نینگ امنیتی پولیس کوچلری تمانیدن تامین لنماقده.

مملکت جنوبیده جایلشگن هلمند ولایتی طالب لرنینگ فعال مرکزی حسابلنه دی، شو سبب بوولایت اینگ ناتینچ ولایت لردن بیری بولیب مینگلب امریکالیک وبریتانیالیک حربی لرافغان امنیتی کوچلری یانیده جایلشگن ایدیلر.