قسم ياد مراسمي ني اوتكزگن سيلاولر كميسيوني نينگ ينگي اعضالري بیلن تنیشینگ

سيلاولر مستقل كميسيوني نينگ ينگي اعضالري جمهور رييس كرزي حضوريده قسم ياد مراسمي ني اوتكزگنلر. مذكور شخصلر بوندن آلدين سيلش كميته سي سيلاولر مستقل كميسيوني نينگ اوشبو ينگي اعضالري بوندن افغانستان جمهور رييسي حامدكرزي سيله ش كميته سي تمانيدن سيلاولر مستقل كميسيوني اعضاسي صفتيده سيلنگن 27 كيشي دن 9 ته سي ني تصديقله گن ايدي. مراسم جمهور رييسليك سرايي ده اوتكزيلگن. مراسمده جمهور رييس تمانيدن سيلاولر مستقل كميسيوني همده سيلاو شكايتلريني تينگلش كميسيوني اعضالري صفتيده تعيينلگن ينگي اعضالري اوز وظيفه لريگه وفاداربوليشيگه قسم ياد قيلگنلر. سيلاولر مستقل كميسيوني نينگ ينگي اعضالري داکتر محمد یوسف نورستانی، عبدالرحمن هوتکی، عزیز بختیاری، سریراحمد برمک، سلیمان حامد، حسین گرزیوانی، لیلا احراری، گلالی اچکزی و شریفه زرمتی،دن عبارت. سيلاولر مستقل كيمسيوني ينگي اعضالريدن بيري شريفه زرمتي وردك، سيلاولرخوفسيزليگي باره سيده تشويش بيلديريب، بو جريان نينگ بوليب اوتيشي اوچون خوفسيزليك اينگ معما لر يوز بيرمسليگي باره سيده اميد بيلديردي:" بيز ده ايمس بلكه بوتون خلق آلديده تورگن اينگ كته معما بو خوفسيزليك دير. بو اوته كته قيينچليك. خوفسيزليك بولمه گن تقديرده، هيچ نرسه عملگه آشمه يدي. جمهور رييسليك بوندن كيين اولوسي جرگه و ولايت كينگش سيلاولري يولگه قويله دي. بولر خوفسيزليك بيلن اوته دي". اوشبو 9 كيشي سيلاولر مستقل كميسيوني نينگ وظيفه لري و صلاحيتي همده سيلاو شكايتلري ني تينگلش كميسيوني تشكيل قانوني اساسيده ، جمهور رييس تمانيدن سيلش كميته سي گه تنيشتيريلگنلر 27 نفر آره سيدن تعيينلندي. جمهور ريس كرزي كميسيون ينگي اعضالريني مملكتده دموكراسي كوچه يتيريليشيده مهم رول ااوينش مسووليتيگه ايگه ايكنليكلري باره سيده تاكيدله دي. كميسيون اعضالري هم اوز وظيفه لريني صداقت، ايماندارليك، مستقل و بي طرفليك بيلن اساسي قانون و مملكت برچه قانونلري اساسيده بجريشلريني وعده قيلگنلر. قسم ياد مراسيميدن سونگ، جمهور رييس كرزي سيلاولر مستقل كميسيوني نينگ سابق اعضالري نينگ كورستگن ايش فعاليتلري باره سيده آلقيشله دي. حامدكرزي ينگي كميسيون اعضالري ايركين و مستقل روشده ايش آليب باريب، حكومت اولرنينگ ايشلريگه اره لشمسليگي باره سيده تاكيدله دي. او شونينگ ديك خارجي هم سيلاولر مستقل كميسيونيگه اره لشمسليگي كيره ك ديدي.

كميسيون ينگي اعضالري تورلي مليتلردن تشكيل ايتيلگن

احمد يوسف نورستاني: پشتون قوميدن بوليب، بوندن آلدين جمهور ريس كرزي نينگ مصلحتچيسي بولگن.

محمد حسین گرزیوانی: فاریاب لیک، اوزبیک قومیگه منسوب بولیب قیته اوز مقامیگه تعین ایتلگن. ماسترلیک درجه سیگه ایگه بولگن گرزیوانی 30 ییل ایش تجربه سیگه ایگه.

عبدالرحمن هوتك: پشتون ملتيگه منسوب، كابلدن بوليب، جمهور رييس كرزي يقينلريدن بولگن.

شريفه زرمتي وردك :پشتون ملتيگه منسوب، پكتيا ولايتي دن بوليب، ژورناليستيكه ساحه سيده وظيفه بجريب كيلگن.

گلالي اچيكزي : قندهارليك بوليب، ملتي پشتون، شريعيات بوييچه بيليم كسب ايتگن. بوندن آلدين صلح كميسيوني اعضاسي صفتيده ايش بجرگن

محمد عزيزي بختياري: هزاره قوميگه منسوب بوليب، غزني اهالسيدن بولگن. او اون ييليك تجريبه گه ايگه.

ليلا احراري : هرات ولايتي دن بوليب، تاجك ملتگه منسوب، بوندن آلدين هرات ساغليق ني سقلش اداره سي ده ايش بجرگن.

سليمان حميد : ايماق، بادغيس ولايتي دن بوليب، بوندن آلدين حج واوقاف وزيرليگي معاوني همده بادغيس عالي محكمه سيده قاضي صفتيده وظيفه بجرگن.

سرير احمد برمك :تاجك ملتيگه منسبوب بوليب، انسان حقلري بوييچه متخصص بولگن.