افغانستانده یوزبیرگن سوو تاشقینلری عاقبتیده اونلب انسان هلاک بولگن

افغانستان نینگ ایریم ولایت لریده یوزبیرگن سوو تاشقینلری عاقبتیده اونلب انسان هلاک بولیب وکوپینچه اویلر ویران ایتیلگن، طبیعی آفتلرگه قرشی کوره شیش اداره سیگه کوره، کابل، ننگرهار، خوست و نورستان ولایت لریده سوو تاشقینلری یوزبیرگن.

محلی مقاملرگه کوره، خوست و نورستان ولایت لریده یوزبیرگن سوو تاشقینلری نتیجه سیده کمیده 15 کیشی قربان بولگن، هلاک بولگن لرآره سیده باله لر و عیاللر هم بارلیگی ایتیلماقده.

شونینگ دیک خوست ولایتی نینگ ولایت حاکملیگی تمانیدن ترقه تیلگن بیاناتده، سوو تاشقینلری عاقبتیده بیرقنچه عایله لرهم اوز اوی جایلرینی ترک ایتشیگه مجبور بولگنی خبرقیلینگن.

نورستان ولایتی نینگ ولایت حاکمی سوزچیسی ظاهر بهاند بی بی سی بیلن بولگن صحبتیده سوو تاشقینلریده 1500 جریب زراعتی ییر بوتونلی ویران ایتیلگنینی ایتدی.

بهاند جنابلری برگ متال تومنی نینگ بیش قیشلاغیده سوو تاشقیلرنی باعث ییتکزیلگن جانی ومالی تلفات خواطرلری ایکنینی ایتدی. اونگه کوره بیر قیشلاق بوتونلی سوو آستیگه قالیب، اوچ کیشی قربان بولگن، همده سکسن اوی ویران ایتیلگن.

همده اونلب عایله اوز اوی جایلرینی ترک ایتیشیگه مجبور بولدی دیدی ولایت حاکمی سوزچیسی، او شونینگدیک یوزبیرگن سیلاب لر باعث ایکی تومن یوللری یاپیلیب قالگنینی اورغولب، ایکی کون جریانیده هیچ قندی یاردم ایتیب کیلمه گنینی تیلگه آلدی.

افغانستان جمهوررییسی حامدکرزی سوو تاشقیلری باعث خساره کورگن عایله لرگه یاردم ییتکزیش اوچون بیر فرمان صادرایتدی.

ریاست جمهورلیک سرای تمانیدن ترقه تیلگن اعلامیه ده یازیلیشیچه، کابل ولایتی نینگ سروبی تومنیده یوزبیرگن سوو تاشقینلری اونلب انسان دن جان آلگن وایریم انسان لر درک سیز .

شونینگدیک سروبی تومنیده سوو تاشقینلری، تورر اویلر، دوکانلر وحتی بیر کسلخانه نی ویران ایتگن.

سروبی تومنیده خساره کورگن عاییله لرگه یاردم بیریش اوچون افغانستان ملی اردو کوچلری هم حصصه قوشگن.

افغانستان دولتی، تلفات لر رقمی بوندن کوره کوپ بولیشی ممکن لیگی نی ایتماقده لر.