جاري هفته ده جلال آبادده اوچينچي پارتلش صادر ايتيلدي

بوندن ايكي كون آلدين هندوستان نينگ جلال آباده گي قونسلي ده روي بيرگن پارتلشده 9 كيشي اوليب، 21 كيشي يره لنگندي. اما بوگون جلال آباد شهريده صادر ايتيلگن پارتلشده بير تينچ اهالي اوليب، باشقه اوچ كيشي يره لنگن.

ايتيليشيچه، يره لنگنلر دن بيري پوليس عسكري بوليب، باشقه ايكيته سي عادي اهالي بولگن.

پارتلش، شهر نينگ اينگ گاوجوم منطقه سيده صادر ايتيلگن.

ننگرهار واليسي سوزچيسي احمد ضيا عبدالزي نينگ ايتيشيچه، پارتلاوچي ماده پوليس موترلريدن بيريگه جايلشتيريلگن بولگن.

حاضر گه قدر مذكور حادثه مسووليتي ني هيچ بيرگروه اوز بوينيگه آلمه گن.

بو جاري هفته ده جلال آباد ده صادر ايتيله ديگن اوچينچي تيرورچيليك هجوم دير.

اوتكن يكشنبه كوني هم جلال آباد شهري نينگ شرقي حدوديده يوز بيرگن ايدي، انده ننگرهار محكمه سي رييسي نشانگه آلينيب، نتيجه ده او شامل 15 كيشي تن جراحتي آلگن.

هندوستان نينگ قونسلي يقينيده روي بيرگن پارتلشده اكثرآ باله لر قربان بولگني ايتيلگن.

ايتيليشيچه، جلال آباد اهاليسي حادثه آرتيدن خودكش هجومچيلرنينگ جسدلريني تاش كومدي قيليب، اعتراضلريني آشكار ايتگنلر.

اما ننگرهار محل مسووللري حاضرگه قدر بو خبر ني تصديقله مه گنلر، اهالي نينگ جسدلرني تاش كومدي قيليش جرياني دن كوته ريلگن صورتلر اجتماعي ترماغلر نمايش ايتيلگني ايتيله دي.

پايتخت كابلده، اونلب مدني فعاللر ييغين اويوشتيريب، ننگرهارده صادر ايتيلگن سونگي هجوملرني قاره لب، زوره وانليكلر يكونلنيشي ني سوره گنلر.