تینچلیک عالی کینگاشی وطالب لر بیلن نارسمی مذاکره لرقیته باشلنگن

افغانستان تینچلیک عالی کینگاشی غیررسمی شکلده بو کینگاش نینگ ایریم اعضالری طالب لرنینگ وکیللری بیلن قطر مملکتی وسعودی عربستانده اوچره شیلگنی نی تصدیق له گن.

بو کینگاش نینگ معلوم قیلیشیچه طالب لر بیلن بو کینگاش اعضالری مذاکره لر غیر رسمی صحبت لربولگن ورسمی صحبت لر حاضرگه قدر باشلنمه گن.

افغانستان تینچلیک عالی کینگاشی گه کوره افغانستان حکومتی رسمی مذاکره لرگه یول آچیلیشی اوچون غیررسمی مذاکره لر نینگ دوام ایتیشی باره سیده سعی وحرکت قیلماقده.

تینچلیک عالی کینگاشی نینگ اعضا سی و طالب لرنینگ سابق دیپلوماتی بولگن حبیب الله فوزی بی بی سی بیلن بولگن صحبتیده، طالب لرنینگ وکیللری بیلن بو کینگاش نینگ ایریم اعضالری رسمی مذاکره آلیب بارگنینی نی رد ایتدی.

ایریم غرب رسانه لری فوزی جنابلری دن نقل قیلیب، افغانستان تینچلیک عالی کینگاشی نینگ بیر قطار اعضالری طالب لرنینگ ملا عباس ستانکزی ناملی وکیلی بیلن سعودی عربستانده اوچره شگنی نی گزارش بیرگن.

مذکوررسانه لردن بیریده کیلیشیچه بواوچره شووده ایکله تمان یره ش خصوصیده گی شرطلر باره سیده صحبت قیلگن لر.

بیراق فوزی جنابلری بی بی سی بیلن بولگن صحبتیده بو گزارشدن خبر سیزایکن لیگی نی معلوم قیلدی.

" مین ملا عباس آخوند اوچره شگنی باره سیده معلوماتیم یوق، شو موضوعنی سیزلرگه انیق ایتدیم، ملا عباس اوچره شگنی دن خبریم اصلایوق" دییدی او

اما طالب لرنینگ بیر وکیلی قطرده اسوشیتیت پرس خبرگزارلیگی بیلن بولگن صحبتیده طالب لر نینگ بیر وکیلی بیلن تینچلیک عالی کینگاشی نینگ اعضا لری اوچره شگنی نی تصدیق له گن.

تینچلیک عالی گینگاشی نینگ خلق ارا کمیته باشلیغی گه کوره تینچ لیک عالی کینگاشی نینگ اعضالری وطالب لر وکیللری آره لریده تورلی جای لرده بوجمله دن فرانسه وسعودی ده ایری- ایری مذاکره لر بولیب اوتگن.

"مین سیزلرگه ایتدیم اوتمیشده تورلی جای لرده سعی وحرکت عملگه آشگن، تینچلیک عالی کینگاشی نینگ اعضالری نی صلح برقرارله نیشی اوچون سعی وحرکت آلیب باریشی وظیفه سی بولگن.

تینچلیک که رغبت لنتیریش اوچون ایریم کیشی لربیلن صحبت اوتکزیلگن. اما بیز حاضرگچه طالب لر بیلن رسمی مذاکره قیلیش گه موفق بولمه گن میز" دییدی او

فوزی جنابلری گه کوره طالب لرنینگ قطرده دفتری آچیلیشی و اولرنینگ وکیللری تینچلیک باره سیده پاریس ده یولگه قوییگن ییغین ده اشتراک ایتیش لری بو گروه نینگ سیاسی جریان گه قوشیلیش گه تمایلی بارلیگی دن خبر بیره دی.

تینچلیک عالی کینگاشی نینگ بو اعضاسی گه کوره، طالب لرنینگ صلح مساله سیگه تمایل کورسه تیش لری، افغانستان حکومتی نی تینچلیک که ایریشیش اوچون مذاکره لرنینگ باشله نیشیگه امید ینی تاباره آشیرماقده .

فوزی جنابلری گه کوره، افغانستان حکومتی تمانیدن بو خصوصده بوله یاتگن سعی وحرکت لر ایسه تینچ لیک عالی کینگاشی وطالب لروکیللری بیلن نارسمی اوچره شوولر دوام ایتیشی رسمی مذاکره لرنینگ باشله نیشیگه زمینه بولیش، مقصدی بیلن عملگه آشماقده.