کابلده چین نینگ اوچ وطنداشی هلاک وباشقه ایکی وطنداشی هم بی درک یوقالگن

کابلده گی چین ایلچی خانه سی رسانه لرگه ایتیشیچه بو مملکت وطنداش لری نینگ جسدلری 5شنبه کونی بیرینچی هییت کونی کابلده گی پارتمان لردن بیری دن تاپیلگن.

تصدیق لنمه گن خبر لرگه کوره، جونه تیلگن جسدلرنینگ ایکیته سی عیال وبیرته سی هم ایرکک بولیب ایش اوچون افغانستانده استقامت قیلیب کیلگن.

چین دولت خبرآژانسی تیلیدن خبربیرگن رویترز خبرگزارلیگی گه کوره، بو واقعه آرتیدن بو مملکت نینگ ینه ایکی وطنداشی هم اوشبو محلدن یوقالگن. بو خبرگزارلیک بی درک یوقالگن لراولگن لرینی گزارش بیرگن.

حاضرگچه هلاک بولگن لرکیملیگی وقنده ی اولدیریلگن لیک لری انیق ایمس.

عین حالده بی بی سی رسمی لربیلن صحبت قیلیش اوچون قیلگن سعی وحرکت لری حاضرگه قدر نتیجه سیزقالماقده.

افغانستان وچین تورلی ساحه لر بوجمله دن اقتصاد بولیمیده یقین علاقه ده بولیب وسونگی پیت لرده افغانستان دولتی تمانیدن مملکت جنوبیده جایلشگن مس کانی نی ایشلب چیقاریلیش ایشی چین لیک بیر شرکت گه تاپشیریلگن.

رویترز خبرگزارلیگی چین وطنداشلری نینگ قتل ایتیلیشی لوگر ولایتی ده گی مس عینک کانی نی ایشلب چیقاریش لایحه سیده علاقه سی بولمسه کیره ک دیب گزارش بیرگن.

کابلده بولگن چین ایلچی خانه سی، بی بی سی تمانیدن بو واقعه تفصیلاتی انیقله نیشی اوچون جونه تیلگن ایمیل لروتیلفون لرگه هیچ قنده ی جواب بیرمه گن.