افغانستان معارف وزیرلیگی، جاری ییلده 100خادمینی قولدن بیرگن

یقینده محلی اوچ مکتب مدیری کابل شمالیده جایلشگن پروان ده ، مملکت مرکزی ارزگان ده ومملکت غربی ده جایلشگن هرات ده قوراللی لر تمانیدن هلاک ایتیلگن لر.

افغانستان معارف وزیرلیگی سوزچیسی امان الله ایمان گه کوره، معارف وزیرلیگی نینگ خادم لرینی اولدیریش جریانی مملکت ننیگ تورلی منطقه لریده هجری قویاش 1392ییلده باشله نیب وسونگی پیت لرده آشماقده.

اونینگ ایتیشیچه بو کیشی لرقوراللی اوروشلرده، تورلی ماین اورنه تیش وریجه لشتیریلگن ترورلرده اوتگن 5آیده هلاک ایتیلیب و "یوزلب" کیشی هم بو وزیرلیک خادم لریدن یره لنگن.

معارف وزیرلیگی نینگ معلوم قیلیشیچه معارف دشمن لری ریجه لشتیرگن ینگی تاکتیک لری اوقیتووچی لر، معارف مسوولری واوقووچی لری آره لریده قورقوو توغدیریش بولگن.

معارف وزیرلیگی سونگی وقت لرده بو وزیرلیک ایشلاوچیلری گه هجوم لر میزانی آشه یاتگینی نی ایته دی.

معارف وزیرلیگی گه کوره، قوراللی لر اوقووچی لرنی زهرلنتیریشی ومکتب بنالرینی اوتگه تارتیشلری بیلن مکتب لرنی یاپیشگه قادر بولمی شو سبب معلم لر، مدیرلرنی قوراللی هجوم لر گه توتیش یولینی مقصد قیلماقده لر.

هرچند معارف وزیرلیگی نینگ مدیرلری ومحلی ایشلاوچیلری نینگ اولدیریله یاتگنی نی هیچ بیر گروه یا شخص اوز بوینیگه آلمه گن، اما دولت رسمی لری بو کبی اولدیریش حاللرینی طالب لرگروهی گه نسبت بیره دیلر.

بو گروه اوز حاکمیتی دوریده قیزلرنینگ تعلیم آلیشی نی منع ایتگن ایدی، وعیاللرنینگ اویدن تشقریده ایش قیلمسلیگی و شرعی محرمی بولمسدن اویدن چیقیشی نی هم رخصت بیرمه گن ایدی.

افغانستان نینگ تورلی منطقه لریده ناتینچ لیک لر سبب 5میلیون دن آرتیق باله مکتب دن محروم قالیب کیلماقده و 650 مکتب هم بوندن اکثریسی مملکت جنوبی وجنوب شرقیده یاپیلگنی معلوم قیلینه دی.

شونگه قره مسدن افغانستان ایسه معارف ساحه سیده کوزگه کورینرلی آلغه سیلجیب حاضرگی کونده 9میلیون اوچ یوزمینگ اوقووچی مکتب کیته دی، ورسمی لرگه کوره،دشمن بو آلغیش سیلجیش نینگ آلدینی آلیش اوچون حرکت قیلماقده.