اروزگان ده یوزبیرگن ایری پارتلشلرده کمیده 7 کیشی قربان بولگن

اروزگان ولایتیده یوزبیرگن ایری پارتلشلر نتیجه سیده محلی رسمیلرگه کوره، کمیده یتتی کیشی قربان و تورت کیشی هم یره لنگن، قربانلر آره سیده باله لرهم بارلیگی ایتیلگن.

اروزگان ولایتی نینگ پلیس اداره سی سوزچیسی فرید ایل نینگ ایتیشیچه قریب یریم ساعت آلدین اروزگان ولایتی نینگ چارچینو تومنیده بیر موترسایکل یول چیککه سیده اورنه تیلگن ماین بیلن توقنه شگن،

اونگه کوره مذکور حادثه ده بیر کیشی ایکی کیچیک فرزندی بیلن هلاک بولیب و باشقه بیر باله هم یره لنگن.

عینی حالده ولایت حاکمی سوزچیسی عینی منطقه ده اوتگن کون یوزبیرگن اوچ ایری پارتلشده کمیده تورت کیشی قربان بولگنینی ایتیب، اولردن ایکی ته سی کیچیک باله بولگنینی معلوم قیلگن.

شونینگ دیک، اوچ کیشی هم اوشبو حادثه نتیجه سیده یره لنگن.

اروزگان ولایتی نینگ پلیس اداره سی سوزچیسی، سونگی پیتلرده طالبان عصیانچیلری یول چیککه سیده ماین اورنه تیش حاللریگه قول اوریب کیله یاتگنینی اورغوله گن اونگه کوره، بوکبی حادثه لرده کوپراق تینچ فقرا قربان بولیب کیلماقده.

حاضرگه قدر طالبان عصیانچیلری بوخصوصده قندی دیر فکر بیلدیرمه گن.