پکتیا ده اوچ چیت ایللیک عسکر هلاک بولگن

پکتیا ولایتیده عصیانچیلر تمانیدن اویوشتیریلگن هجوم نتیجه سیده اوچ چیت ایللیک عسکر هلاک بولگن، ناتو کوچلری هلاک بولگن عسکرلر افغانستانده فعالیت آلیب باره یاتگن امریکا حربیلریگه تیگیشلی بولگنینی ایتگن.

اوتگن بیر ییل جریانیده یوزدن ارتیق چیت ایللیک عسکر افغانستانده قربان بولگن، اولردن سکسن ته سی امریکا لیک عسکرلر بولگنی ایتیلماقده.

شونینگ دیک پکتیا رسمیلری، مذکور ولایت نینگ یوقاری مرتبه لی مقاملریدن بیری ایکی قوریقچیسی بیلن بیرگه یوزبیرگن ماین پارتلش عاقبتیده یره لنگنینی ایتگن.

اوز اسمینی ایتیشیدن باش تارتگن امنیتی منبع لردن بیری بی بی سی بیلن بولگن صحبتیده پکتیا ولایتی نینگ خوف سیزلیک اداره سی اورین باسری عبدالجبار اوشبو ولایت نینگ جاجی اریوب منطقه سیده یره لنگنینی ایتدی.

پکتیا افغانستان نینگ ناتینچ ولایت لریدن بیری بولیب، بو ولایت نینگ ایریم حدودلریده طالبان عصیانچیلری انچه فعال بولگنی ایتیله دی.