"غورماچ تومنی طالبان تصرفیگه اوتیشی ممکن"

فاریاب ولایتی نینگ ولایت کینگاشی باشلیغی رحمت الله ترکستانی بو ولایت نینگ غورماچ تومنیگه دولت جدی اعتبار قره تمسه طالبان تصرفیگه اوتیشی ممکن لیگی بیلن آگاه لنتیرگن.

فاریاب شمال ولایت لر ایشیگی دیب ایتیلسه غورماچ وقیصار تومن لری هم فاریاب ولایتی نینگ ایشیگی بولگن دیب تاکیدلنه دی. اگرغورماچ تومنی طالب لر نظارتیگه اوتسه بوتون بو ولایت وشمالده تاثیر قوییشی ممکن لیگی ایتیله دی.

فاریاب ولایتی نینگ ولایت کینگاشی باشلیغی رحمت الله تورکستانی سونگی 2هفته جریانیده بو تومن نی قوراللی لر اوز نظارت لریگه اوتکزیش اوچون جدی تیارگرلیک اله یاتگنلیکلریدن خواطر بیلدیرگن.

اونگه کوره اگر دولت بو تومن ده جایلشگن ملی اردو وملی پولیس کوچلری گه یاردم ییتکزمسه مذکور تومن طالبان تصرفیگه اوتیشی نی ایته دی.

تورکستانی جنابلری گه کوره بو تومن نینگ اکثر منطقه لری قوراللی لر نظارتیده بولگن.

فاریاب ولایتی نینگ ولایت کینگاش باشلیغی گه کوره تومن مرکزی نی هجوم آستیده آلیش اوچون طالب لر بیر قطار قیشلاقلرده گی اهالی نی کوچیرتیرگن.

.

رسمی لرگه کوره بوتومنده شاه یول خوف سیزلیگی نی تامین لش وبوتومن امنیتی آلیش اوچون قریب بیر مینگ امنیتی کوچلرجایلشتیریلگن.

اما شونگه قره مسدن بوتومنده دولت کوچلری فقط گینه اوز محللریدن مدافعه قیلیش بیلن چیکله نیب قالگن لری ایتیله دی

عین حالده فاریاب ولایتی نینگ ولایت حاکمی داکتر محمد الله بتاش غورماچ تومنیده جایلشگن دولت کوچلری امنیت نی تامین لشگه قادر ایکن لرینی ایتیب بوتومن طالب لر تصرفیگه اوتیش احتمالی نی رد ایتدی.

غورماچ تومنی هرات میمنه شاه یولیده جایلشگن ، بو تومنده قوراللی طالب لر کینگ کولمده فعالیت قیلیب قیلماقده لر.

بو اولوسوالیک ده طالب لرتهدیدلری کوپ بولگنی سبب غورماچ تومنی دن هرات تمان اسفالت بوله دیگن شاه یول ایشی ایسه بیر نیچه ییلدن بیری توخته تیلگن.

باشقه تماندن رسمی لرگه کوره ، غورماچ تومنیده محلی پولیس فعال بولمه گنی سبب بو تومن نینگ کوپلب قیشلاق لری طالب لر نظارتیده بولگن.