اهالیگه حقوق وساغلیق مساله لری بوییچه تیلفون آرقه لی مصلحت بیریله دی

سونگی وقت لرده افغانستانده، تیلفون آرقه لی توغریدن – توغری مصلحت بیریش مساله سی رواجله نیب بارماقده.

افغان لرکابلده مصلحت بیریش اوچون ایجاد ایتیلگن دفترگه مراجعه قیلیب کیره کلی یاردم آلیش گه قادر بولگن لر.

بوخصوصده ایجاد ایتلگن مرکزلر تمانیدن اهالیگه حقوق وساغلیق ساحه سیده مصلحت بیریش اوچون بیرنیچه تیلفون رقمی اعلان ایتیلگن.

افغانستان اهالی سیگه ساغلیق وحقوقی مساله لریگه تیلفون آرقه لی تیکین مصلحت بیریش امکانیتی یره تیلگن .

بوخذمت نی کورسه تیش اوچون کابلده بوگون ییغین یولگه قویگن افغانستان انسان حق لری بوییچه عدالت خواه تشکیلات مسووللری، کابل وپلخمری ده بودفترلرنی آچیب اهالی گه تورلی بولیم لرگه مصلحت بیریلیشی نی معلوم قیله دیلر. بو اداره ایسه بریتانیا خلق ارا ترقیات کمیته سی نینگ مادی یاردمی بیلن فعالیت گه باشله گن.

اوشبو اداره آچیلیشی گه سعی وحرکت قیلگن، نورالحق نسیمی گه کوره ایکی مصلحت چی بو دفترلرده اهالیگه خذمت کورسه تیش اوچون تعیین ایتیلگن.

شونینگ دیک او بوبرنامه نی آلغه آلیب باریش اوچون یره تیلگن امکانیت لری ییترلی ایمس لیگی نی ایته دی.

"یوقسیل قتلمی گه کیره کلی حقوقی مصلحت بیریله دی، تیکین شکلده اهالی گه فورمه لرنی تولردیریب بیریش وعریضه یازیش گه یاردم بیریش، احتیاج کیشی لرگه سلامت لیک اوچون کیره کلی مصلحت بیریش، ایش تاپیش، اوی گه ایگه بولیش، وتولاو مساله لری باره سیده وطن گه قیته یاتگن قاچقین لرگه مصلحت بیریش وبوخذمت نی بوتون مملکتده یره تیش اوچون دنیا همکارلیگی نی جلب قیلیش بولگن" دییدی نسیمی جنابلری

افغانستان انسان حق لری بوییچه عدالت خواه ناملی تشکیلات مسووللریگه کوره، بو برنامه اوچ ییل گچه دوام ایته دی.

شونینگ دیک بوندن آلدین هم افغانستان ساغلیق وزیرلیگی، بیرلشگن ملت لر تشکیلاتی نینگ جمعیت ناملی صندوقی وعایله لرگه مصلحت بیریش اویوشمه سی تمانیدن اورتاقلیک خذمت لری نامیده 120 تیلفون رقمی اهالیگه تیکین شکلیده بیرقنچه مساله لرگه مصلحت بیریش اوچون فعال بولگن ایدی.

ایجاد ایتیلگن مذکورمصلحت بیریش تیلفونیده ایکی عیال وایکی ایرکک کیلگن تیلفون لرگه جواب ومصلحت بیره دیلر.

بو مصلحت بیرووچی لرساغلیق، اویله نیش مساله لری، حامله دارلیک، جنسی کسللیک لروباشقه ساحه لرده اهالی گه کیره کلی مصلحت بیریش لری معلوم قیلنگن.

شونینگ دیک یقینده نادولت تشکیلات لردن بیری گه هم افغانستانده گی کانادا ایلچی خانه اهالی گه حقوق وساغلیق ساحه سیده مصلحت بیریش اوچون پول بیره دی..

افغانستانده گی کانادا ایلچی خانه سی نینگ عامه مطبوعات علاقه لری بوییچه مسوولریدن بولگن جمیل الکوزی گه کوره، کونیده اونلب تیلفون بیریلگن 6464 رقم گه قونغراق قیلینه دی.

"بو مصلحت بیرووچی مرکزده، آلتی مصلحت چی ایش آلیب باره دی، بولرنینگ یانیده بیر دین عالمی هم دینی مساله لربوییچه مصلحت بیره دی، بومرکز ایرته لب 8:30 دن، توشدن کیین ساعت 4گچه اهالی گه خذمتیده فعالیت قیله دی، بیزگه معلوم بولیشیچه بیر کونده قریب 50 تیلفونگچه کیله دی، تیلفون قیلگن کیشی لرگه، اسلام دینی باره سیده وباشقه ساحه لرگه مصلحت بیریله دی".

وشونینگ دیک بومرکزآرقه لی یقنیدن هم مصلحت بیریلیشی ایتیله دی.

افغانستان اهالی سی نینگ کوپچیلیگی ایسه سواد سیزبولگنی اوچون اوز حق لری باره سیده ییترلیچه معلومات گه ایگه ایمس لر، بو کبی مصلحت بیرووچی تشکیلات لرتیلفون آرقه لی ایجاد ایتیلیشی اهالی احتیاج وقیین چیلیک لرینی حل ایتیش اوچون مهم دیب ایتیله دی.