11 دولتی بیلیم یورت، بیلیم یورتلر خلق ارا کینگاشی گه اعضالیک نی قولگه کیریتدی

افغانستان عالی تحصیلات وزیرلیگی بیلیم یورت لرخلق ارا کینگاشی گه بو مملکت نینگ11 دولتی بیلیم یورتی اعضا بولگنی دن خبر بیرگن.

استادلرآره سیده تجربه المشتیریش، کیره کلی یاردم لرنی جلب قیلیش، درسلیک مفردات نی شریک قیلیش ایسه، بوکینگاش گه اعضا بولیش امتیازلریدن بولگنی ایتیله دی.

افغانستان ده عالی تحصیلات ساحه سی اوتگن 11ییلده کوزگه کورینرلی رواجله نیب حاضر بومملکت 100دن آرتیق بیلیم یورت وعالی اوقوودرگاه فعا لیت قیله دی.

بیلیم یورتلر خلق ارا کینگاشی گه اعضا بولگن 11 بیلیم یورت ایسه، کابل بیلیم یورتی، طبیات بیلیم یورتی، تعلیم وتربیه بیلیم یورتی ، پل تخنیک بیلیم یورتی، هرات، خوست، کنر، قندهار، پکتیا ، بلخ وننگرهارولایت لری ده گی بیلیم یورتلر بولگن.

افغانستان بیلن بو کینگاش گه اعضا بولگن مملکت لر سانی 27مملکت گه ییته دی.

قزاقستان ، تورکیه، لبیا ، کونگو، کوردستان وعراق بیلیم یورتلری نینگ باشلیغ لریدن عبارت بولگن 15کیشی لیک هیات افغانستانگه تشریف کیلتیریب، بیرنیچه بیلیم یورت لر نی یقیندن باریب کورگن لر.

بو هیات بوگون افغانستان نینگ 11 بیلیم یورتی نی بیلیم یورت لرخلق ارا کینگاشی گه اعضا بولگنی نی اعلان ایتدی.

باشقه تماندن افغانستان عالی تحصیل وزیری عبیدالله عبید اوتگن 11ییلده بومملکت نینگ عالی تحصیل وضعیتی یخشی لشگن بولیشیگه قره مسدن، هلی هم بو ساحه احتیاج بارلیگی نی ایته دی، اما او،بیلیم یورت لر خلق ارا کینگاشی گه اعضا بولیش نی بیلیم یورت لراوز احتیاج لرینی برطرف ایتیب عالی تحصیل ساحه سی رواجله نیشی اوچون مهم دیب تیل گه آلد ی.

"خداخواه لسه بیزنینگ 11 بیلیم یورتیمیز بیلیم یورت خلق ارا کینگاشی گه اعضابولیشی تورلی بولیم لرده قابلیت لرنی آشیریش اوچون زمینه بوله دی ، بیلیم یورت آره لریده تجربه لر المشتیریله دی، بیلیم یورت لر آره لریده بولگن قیین چیلیک لری حل ایتیله دی، بوشرایط دن یخشی فایده له نیش کیره ک، بونی ایجابی قدم دیب امید قیله میز"

بیلیم یورت لر خلق ارا کینگاشی نینگ باشلیغی اورحان حکمت عزیز اوغلی افغانستان گه بولگن بو سفری چاغیده بیرقطار بیلیم یورت لرنینگ یقیندن وضعیتی نی اورگنگنی نی ایتیب اوتگن 11 ییلده عملگه آشگن ایشلرنی بهالب وموجود قیین چیلیک لرحل ایتیلیشی اوچون بوکینگاش یاردم بیریشی نی تاکیدله دی.

"بیر کوندن بویاققه بیزنینگ اعضالریمیز سانی 161 بیلیم یورتگه ایریشدی، افغانستان نینگ 11بیلیم یورتی اعضا بولیشی بیلن کینگاش میز کینگه یدی، خدا خواه لسه کینگاش اوچون بیر آبرو حسابلنه دی، اسلامی بیلیم یورت لرآره سیده مهم رول اوینش لری کیره ک، بوندن کیین افغانستاده گی بیلیم یورت لر ده گی برادرلریمیز استادلریمیز بو کینگاش گه بولگن امکانیت لرگه اعضا بولیش بیلن یخشی فایده له نیش لری ممکن"

بوندن آلدین هم افغانستان نینگ بیر قنچه بیلیم یورت لری بیرقطار مملکت لر بیلیم یورت لری بیلن علمی تجربه لرنی المشتیریش و قابلیت لرنی آشیریش اوچون علاقه اورنه تیب کیلگن ایدیلر.

افغانستان حاضرگی کونده 31 دولتی بیلیم یورت و75خصوصی بیلیم یورت وعالی درگاه گه ایگه بولگن، اما بوندن 11ییل آلدین فقط گینه 6دولتی بیلیم یورت فعالیت قیلردی.

مذکور بیلیم یورتلروعالی درگاه لرده 250000کیشی تحصیل آلیب و20000مینگه یقین طلبه هم بیر قطار خارجی مملکت لرده تحصیل آلیب کیلماقده لر.

بیراق ییل مه ییل تحصیل آله دیگن لر سانی آشیب بارماقده وشوسبب مینگلب یاشلرهم عالی تحصل آلیشدن امکانیت لر چیکلنگنی سبب محروم قالماقده لر.

افغانستان عالی تحصیلات وزیرلیگی قابلیت لرنی آشیریب، قطارتحصیلی بنالرنی قوریش وتحصیل شرایطی نی مهیا قیلیب بو معما لرنی حل ایتیش اوچون کیلگوسی 5ییللیک ریجه سی ده یاردم ایتووچی مملکت لردن سوره گن 350 میلیون دالر یاردمی قبول قیلینگنی نی معلوم قیلماقده.