" ناقانونی بولگن افغان مهاجرلری نینگ 15کونگه ایراندن چیقیشی ناممکن"

بیرکون آلدین ایران نینگ مهردیب ناملنگن خبرگزارلیگی ایران حکومتی تمانیدن ناقانونی استقامت قیله یاتگن افغان لر بو مملکت دن چیقیشی باره سیده ایکی هفته مهلت بیریلگنی نی گزارش بیرگن ایدی.

مذکور خبر گزارلیکده رخصت نامه سی بولمه گن افغان لرایراننی ترک ایتمه گن تقدیرده قولگه آلینیب هرکون ده 30 مینگ تومن جریمه تولش گه مجبور لرایکن لری ایتیلگن.

افغان رسمی لری مهاجرلر ییل لراستقامت قیلگنی اوچون بیردن چیقاریش اولرگه قیین بولگنی نی ایته دیلر.

شونینگ دیک افغانستان تشقی ایشلر وزیرلیگی نینگ سوزچیسی جانان موسی زی افغان قاچقین لری ریجه لشتیریلگن برنامه اساسیده مجبورقیلینمی اوز خواهش لری بیلن چیقیش لری باره سیده قرارآلینیشی کیره کلیگی نی معلوم قیله دی.

"افغان قاچقین لرینی مملکت گه عمومی شکلیده قیتیشی باره سیده، استراتیژیک حل یولی چوکاتیده ایران،پاکستان وبیرلشگن ملت لرتشکیلاتی نینگ مهاجرلربوییچه اداره سی بیلن کیلیشیلگن، استه – سیکین،اوز خواهش لری اساسیده وآبرومندلیک بیلن بولسه بوایسه مهاجرلرگه قیین چیلیک لر یره تمه یدی "

شونینگ دیک تشقی ایشلر وزیرلیگی نینگ سوزچیسی گه کوره افغان لر مملکت لریگه قیتیش لری اوچون حکومت تمانیدن کیره کلی چاره تدبیرآلینگن.

عین حالده افغانستان تشقی ایشلر وزیرلیگی نینگ سوزچیسی جانان موسی زی ایرانده گی افغان لرگه ویزه مدتی اوزه یتیریلیشی باره سیده افغانستان حکومتی تمانیدن سعی وحرکت دوام ایته یاتگنی نی ایته دی.

"تشقی ایشلر وزیرلیگی نینگ سیاسی معینی ایرانده گی سونگی سفری بوندن بیرآی آلدین بولگن ایدی، ایران نینگ یوقاری مرتبه لی رسمی لربیلن ایری - ایری اوچره شیلگن ایدی، وانیق شکلیده مهاجر لرویزه سی نینگ مدتی نی اوزه یتیریلیشی باره سیده تولیق صحبت لربولیب اوتگن ایدی، هلی هم مذاکره لردوام ایتماقده، تیزلیکده ایران دولتی بیلن افغان مهاجرلری نینگ ویزه سی نی تمدید قیلیش باره سیده بیرقرارگه کیشلسک، کوپ وقت دن بیری بو خصوصده سعی حرکت لریمیز باشلنگن"

خبرلرگه کوره پاکستان گه تعلقلی چاغی دیب ناملنگن منطقه ده 50افغان ناقانونی اوتیش عیبی بیلن بومملکت کوچلری تمانیدن قولگه آلینگن .

بوندن آلدین هم پاکستان تمانیدن افغان قاچقین لری باره سیده شونده ی قرارآلینیشی آرتیدن افغان حکومتی تمانیدن عملگه آشگن سعی وحرکت لر سبب افغان قاچقین لری بو مملکتده توریش مدتی باشقه ایکی ییل اوزه یتیریلگن ایدی.

افغان رسمی لری ویزه تمدید بولیشی باره سیده ایران بیلن یقین علاقه ده بولگن لرینی ایتماقده لر. اما ایران حکومتی قانونی حجتی بولمه گن افغان لر بو مملکت نی ترک ایتیشی نی معلوم قیلماقده لر. شونگه اعتبارن ویزه سیز افغان لر تقدیری باره سیده افغان رسمی لری هیچ نرسه ایتمه دیلر.

معلومات لر گه کوره اوتگن نیچه ییلده بیر قطار خارجی مملکت لرده بولگن افغانستانگه قیتگن مهاجر سانی قریب بیش میلیون گه ییته دی.

حاضرگی کونده ایران وپاکستانده 3میلیون افغان قاچقینی حیات کیچیریب کیله یاتگنی ایتیله دی، بوندن فقط 800یوزمینگی قانونی رخصت نامه قولگه کیلتیرگن لر.