حامدکرزی طالبان بیلن مذاکره آلیب باریش اوچون پاکستانگه سفر قیلدی

افغانستان جمهوررییسی حامدکرزی طالبان بیلن صلح جریانینی قیته باشلش مقصدی بیلن بوگون پاکستانگه ایتیب باردی، کرزی مذکور بیرکونلیک سفریده ،پاکستان باش وزیری نواز شریف بیلن اوچره شیشی کوتیله دی.

بی بی سی نینگ کابلده گی خبرنگاری کار آلن گه کوره، کرزی جنابلری طالبان مقاملری نینگ پاکستان قماقخانه لریدن ازاد ایتلیشی نی پاکستان باش وزیری دن سوره ماقچی.

عصیانچیلر حامدکرزی بیلن مذاکره قیلیشگه حاضر ایمس.

پاکستان استخبارات اداره سی افغان طالبان عصیانچیلرنی حمایه ایته یاتگنلیکده عیبلنیب کیلگن، اما پاکستان دولتی بوکبی ادعا لرنی مطلقا رد ایته دی.

افغانستان جمهوررییسی حامدکرزی بو سفر یدن آلدین صلح و تینچلیک اوچون پاکستان باش وزیری نواز شریف نینگ یخشی نیتی بولگنینی ایتیب، بیراق پاکستان رهبرلری بیلن بوندن الدینکی ملاقات لری هیچ قندی نیتجه بیرمه گنینی اورغوله گن ایدی.

پاکستان قماقخانه لریده گی طالبان محبوسلرینی آزاد ایتیش کرزی نینگ اساسی طلب لریدن بیر ایکنی ایتیله دی.

بی بی سی خبرنگاری نینگ ایتیشیچه ، کرزی جنابلری بو مسله طالبان عصیانچیلری بیلن صلح جریانینی قیته باشلش خصوصیده یاردم بیریشگه امیدوار.