سیلاولرده عیاللر اشتراکینی آشیریش اوچون مخصوص برنامه باشلندی

کیله جک سیلاولرده عیاللر فعال اشتراک ایتیشی اوچون، اورگه تیش ومصلحت بیریش برنامه سی باشلنگن، بو برنامه طفیلی کیله جک ریاست جمهورلیک ولایتی کینگاش سیلاولری اوچون عیالر اوزلرینی نامزد ایتیش وآواز بیریش جریانیده قوشیلیشی گه ترغیب ایتیله دی.

مذکور برنامه بریتا نیا دولتی نینگ مالی یاردمی بیلن اسیا بنیادی و سیلاولر مستقل کمیسیونی تمانیدن عملی بوله دی.

کیله جک جمهورلیک ولایتی کینگاش سیلاولریده عیاللر نینگ کوزگه کورینرلی درجه اشتراک ایتیشی اوچون زمینه یره تیش مقصدی ایش آلیب باریلماقده.

همده بو برنامه اساسیده نه فقط ریاست جمهورلیک بلکه پارلمان ولایتی کینگاش لر اوچون اوزلرینی نامزد ایتگن عیاللرحمایه له نیشی ممکن.

اوشبو برنامه قریب یتتی ملیون دالر خرجت بیلن، بریتا نیا نینگ خلق ارا رواجلنتریش اداره سی تمانیدن توله نیله دی. برنامه آسیای بنیاد و افغانستان مستقل سیلاولر کمیسیونی تمانیدن عملگه آشیریله دی.

باشقه تماندن عیاللرنینگ رای بیریش جریانیگه اشتراک ایتیشلری اوچون هم ترغیب لنتروچی برنامه لر یولگه قوییلیشی پلانلشتیریلگن.

سیلاولر مستقل کمیسیون رییس محمد یوسف نورستانی کیله جک سیلاولرده عیاللر اشتراکی اوچون فایده لی بولیشگه امیدوار:"انیق وعملی ریجه لر اساسیده بو پروژه آرقه لی خاتین قیزلرگه یخشی اگاه لنتیریلیشگه ایشانه میز، تا شو ارقه لی مردمی میز خاتین قیزلرنی کینک کولمده کیله جک ریاست جمهورلیک و ولایتی کینگاش لرده اشتراک ایتیش لریگه گوه بولسه لر."

ریاست جمهورلیک وولایتی کینگاش سیلاولری نینگ بولیب اوتیشگه قریب یتتی آی قالگن خوف سیزلیک معماسی دن تشقری سیلاولر جریانیده عیاللرنینک ییترلی درجه ده اشتراک ایتمسلیگی،قطار خواطرلرگه سببب بولگن.