كانلروزيري نينگ اداره سيگه راكت توشيب پارتله دي

افغانستان كانلر وزيرليگي رسميلري، اوتگن كيچه وزيرنينگ ايش اداره سيگه بير راكت توشيب پارتله گني ني ايتيشماقده. اوشبو وزيرليك سوزچيسي:" تيرورچيلر اوتگن كيچه بي ايم 12 تور راكت بيلن وزيرليك ني نشانگه آلگنلر.

صديقي نينگ ايتيشيچه، حادثه ده وزيرليك نينگ بير قوريقچيسي يره لنگن.

اونگه كوره، خوفسيزليك كوچلري حادثه باره سيده تحقيقات اوتكزماقده و هنوز گچه راكت قه ييردن آتيلگني معلوم ايمس.

حادثه مسوولتي ني هم هيچ بيرگروه اوز بوينيگه آلمه گن، كانلروزيرليگي جمهور رييسليك سرايي يقينيده جايلشگن.

كانلر وزيرليگي سوزچيسي، سونگي ييللر ايچيده كانلر وزيرليگي نينگ افغانستان اقتصادي رواجلنيشي اوچون آليب بارگن سعي و حركتي، قوراللي مخالفلرنينگ ناراضيليگگه سبب بولگن دييدي.

او، كانلر وزيري يريم كيچه گچه ايش اداره سيده قالردي، ليكن اوتگن كيچه ايش اداره سيده موجود ايمس ايدي دييدي.

باشقه خبرگه كوره، اوتگن كيچه دارالامان منطقه سيده هم بير خودكش هجوم عملگه آشيريلگن.

خوفسيزليك كوچلري نينگ ايتيشيچه، انتحاری هجومچي سوو وبرق وزيرليگيگه كيريشگه نيت قيلگن.

افغانستان پوليسي، انتحاری هجومچي اوز مقصديگه ييتمسدن آلدين، اوزيني پارتله تيب يوبارگنيني ايتگن.

مذكور حادثه ده هم بير تينچ اهالي يره لنگن.