سیلاولربیرلیگی نامی بیلن ینگی سیاسی بیرلیک تشکیل ایتیلدی

جنبش، جمعیت، وحدت حزبلری ، ملی جبهه، ملی اتفاق و باشقه بیرقطار سیاسی حزبلر و سیاسی شخصیت لر اشتراکی بیلن بوکونگی یولگه قوییلگن یغینده سیلاولر بیرلیگی نامی بیلن ینگی سیاسی بیرلیک تشکیل ایتیلدی.

بوگونگی ییغین ایسه سیاسی حزب لرگه طرفداربولگن مینگلب کیشی مملکت نینگ تورلی ولایت لریدن اشتراک ایتیش لری بیلن بولیب اوتدی.

ینگی دن قوریلگن افغانستان سیلاولر بیرلیگی نامیده گی اتفاق نی قوریلیشیدن مقصد سیلاولرده بیر قول وبیرکونگیل بیلن بیر نامزد نی حمایت ایتیش بولگن.

بوگونگی توزیلگن اتفاق رهبرلری ملی بیرلیک نی تامین لش، توپراق بیرلیگی، بوتون خلق سیاسی تیزیم گه حصه قوشیش لری وحزب لرآره سیده علاقه لرنی مستحکم له نیش مقصدیده بو اتفاق نی توزگن لرینی تاکیدله ماقده لر.

افغانستان سیلاولربیرلیگی نی ایجاد ایتگن رهبرلرکیلگوسی ریاست جمهورلیک لوازمیده بیرنامزد نی تنیشتیریب وحمایت ایتیش لرینی ایته دیلر، اماحاضرچه انیق کاندیدنی تنیشتیریش اوچون قرارآلینمه گنی معلوم قیلینه دی.

یقین ده جنرال دوستم ومحقق اوی لریده بولیب اوتگن ییغین لرده علی احمد جلالی وزلمی خلیل زاد جنابلری افغانستان جمهور رئیسی نینگ برادری قیوم کرزی وباشقه بیر قنچه سیاسی رهبرلرهم اشتراک ایتگن ایدیلر.

بیراق بوگونگی ییغین گه اشتراک ایتمه گن لری بیر قنچه سواللرنی اهالی آره سیده پیدا قیلدی، بیراق افغانستان سیلاولربیرلیگی نی توزگن سیاسی رهبرلر، بوکیشی لر کیلمه گن لری، بو اتفاققه قرشی لیک کورستگن لری ایمس دیب ایته دیلر. بوحقده ملی ایتلاف باشلیغی داکتر عبدالله

"یوق بوجریانگه اولرنینگ مخالفت کورسه تیش لری ایمس،اولرهم بونگه قیزیقیش کورستگن لر،بواتفاق دن اساسی مقصد نیمه قیسی شکلده بولگن بونی اورگنماقده لر، اولرنینگ بیر قطار دوست لری مملکت دن تشقریده بولگن، شو اوچون اولر بیلن بحث لرهم بولیب اوتگن، اولرمذاکره لر دوام ایتدیره میزدیب وعده بیرگن لر، بیله سیزلر بوجریان مملکت بویلب بیرکینگ جریان بولگن".

افغانستان سیلاولربیرلیگی مسووللری بوندن کیین هم ایجاد ایتیلگن بوسیلاو بیرلیگی گه قوشیلیش نی ایسته گن سیاسی جریان لرهم حصه قوشه آلیش لرینی ممکن دیب تیل گه آله دیلر.

ریاست جمهورلیکده اوزینی کاندید قیلیب رویخط اوتیش زمانی ایسه کیلگوسی 28سنبله آی باشلنه دی.

سیلاولرگه آز قالیشی بیلن افغانستانده فعال بولگن قطارسیاسی حزب ایسه کیله جک حکومت چوکاتیده یخشی راق موقعنی توتیش مقصدیده اتفاق لرنی توزه دیلر.

اما اوتمیشده بو کبی اتفاق لردن بیر قنچه لری اخیرگچه اوزآره لریده بیرلیک لرینی سقلب قالمسلیک لری هم کوزه تیلگن ایدی.

بیراق بوگل ینگی دن ایجاد ایتیله دیگن اتفاق لر کیله جکده قنچه لیک اوز بیرلیک لرینی سقلب قالیش لری باره سیده حاضرچه سوزیوریتیش قیین، بونی وقت معلوم قیلیشی ممکن.