تخارده "تیلیمیزنی ایسته ی میز" دیگن شعار بیلن یولگه قوییلگن کمپایندن مقصد نیمه؟

افغانستان شمالشرقیده جایلشگن تخار ولایتیده بيرقطار یاشلر مدني شخصیتلر نينگ اشتراکی بیلن "تیلیمیزجاري قيلينيشي ني ایسته یمیز" ديگن شعار بیلن مخصوص کمپاین باشله گنلر.

بوحرکت نینگ بیرینچی باسقیچیده، يازيلگن شعارلرني تالقان شهری نینگ چوکیده قيستيرگنلر.

مذكور حرکتگه باش قاش بولگن شخص لردن بیری عبدالمطلب قیتمس دير، او چین مملكتيده انجنیرلیک بولیمیده ماسترلیک قیله دی. او تعطیل پیتلریده وطنيگه کیلیب بوحرکت ني تدبيرلشتيرگن. اونينگ بی بی سی بیلن بولگن صحبتیده، شهر ایچکریسیده کتته بیلبورلرده اوزبیک تیلینی ایسته یمیزدیگن شعارنی یازیشدن اساسي مقصد نیمه بولگنی حقيده بيريلگن سوالگه بونده ي جواب قيتردي:" تخار ولایتی نینگ اکثری یشاوچیلري اوزبیکلر دن عبارت، بیراق دوکانلر رستورانت لر لوحه لری هم فارس تیلیده، بیز بو بیلبوردلر نی قوندریش بیلن اوزتیلیمیزنی رواجلنتیرماقچیميز".

قيتمس گه كوره، شهر نینگ باشقه چهار راهه لريده هم کتته بیلبوردلر قوندریلیشی پلانلشتيريلگن.

Image caption قيتمس گه كوره، شهر نینگ باشقه چهار راهه لريده هم کتته بیلبوردلر قوندریلیشی پلانلشتيريلگن.

عین حالده او، تخار ولایتی ولايت کینگشي رییس و اعضالری هم بوحرکت ني مادي و معنوی جهتدن حمايه قيليشيني ممكنليگي ني تاکیدله دی. اونگه کوره تالقان شهریده، دوکاندارچیلیک، هوتل چیلیک وباشقه کسب لر بیلن شغله نیب کیله یاتگن اوزبیک لرهم، لوحه لرینی اوزبیک تیلیده یازیشگه حركت قيليشلريني ايتگنلر.

باشقه تماندن اوشبو حركت اوزبیک تیلیده چاپ ایتیلگن کتابلرنی مکتب لرده تدريس قيليش و اونينگ اهميتي باره سیده معلومات بیریشینی مقصد قیلگن. اولرایسه هفته نينگ آخريده مکتب لرگه باریب، اوقیتووچی و اوقووچیلری بیلن اوچره شیب بوخصوصده صحبت قیليشه دي.

بو حركت نه فقط ايلك بار تخار ده باشلنگن، بلكه اوزبيكلر استقامت قيلاوچي باشقه ولايتلرده باشلنگني ايتيله دي.

حاضرگی کونده افغانستانده اوزبيك تيليده بير تعداد رادیو و تلویزیون تاسيس ايتيليب، نشرات بيريب كيلماقده. اوشبو راديو تيلي كاناللر اوزبيك تيلي نينگ رواجلنيشيگه كته تاثير قوييب كيلگن. بوندن تشقري اوزبيك تيليده چاپ چيقه ريلگن كتابلر مكتبلرده تدريس قيلينماقده. اوزبیک ضیالی لری تیل نی رواجلنتیریش اوچون دولت تمانیدن آلیب باریله یاتگن سعی حرکت لرنی قانیقرلی بولمه گنینی هم قاره له ماقده لر.