امریکا نینگ افغانستان شرقیده گی حربی قرارگاه سیگه قوراللی هجوم اویوشتیریلدی

طالبلر قوراللی لری امریکا کوچلری نینگ ننگرهار ولایتیده گی حربی قرارگاه سی گه گروهی هجوم اویوشتیرگنلر.ننگرها ولایت حاکمی سوزچیسی گه کوره حاضرگه قدر 3 هجومچی هلاک ایتیلگن.

ننگرهار ولایتی نینگ ولایت حاکمی سوزچیسی احمدضیا عبدلزی بی بی سی بیلن بولگن صحبتیده ینگیل و آغیر قورال بیلن جهازلنگن عصیانچیلر تورخم حدودیده جایلشگن امریکا قرارگاه سیگه هجوم قیلگنینی تصدیق لب هجومچیلردن تورت سی قربان بولگنینی معلوم قیلدی.

محلده نیچه کوچلی پارتلش هم یوزبیرگنی ایتیلماقده.

بی بی سی نینگ ننگرهارده گی خبرنگاری گه کوره، افغانی امنیتی کوچلری منطقه اطرافینی قمره ب آلگن. وبیرنیچه انتحارچی امریکا حربی قرارگاه سی یقینده جایلشگن بولیشی ممکن.

ایساف کوچلری افغانستان شرقیده گی قرارگاه لردن بیری گه قوراللی عصیانچیلر هجوم قیلگنینی تصدیق له گن. عینی حالده ایساف کوچلری مذکور هجومده خارجی کوچلرگه تلفات یتکیزیلمه گنینی ایتگن.

تورخم چیگره سی ناتو نینگ افغانستان شرقیده گی اساسی تامینات یولی حسابلنه دی.

طالبلر گروهی، بیر پیام یوللب هجوم مسوولیتینی اوز بویینگه آلگن، همده اوشبو هجومده امریکا حربیلریگه آغیر تلفات یتکیزیلگنینی ادعا قیلگن.