افغانستان فوتبال تيمي سري لانكا ني 3 ـ 1 حسابي بيلن مغلوب ايتدي

افغانستان بوندن آلدين اينگ سونگي آسيا كاپ مسابقه لريده سري لانكا برابريده اويينگه توشدي و او مملكت ني مغلوب ايتدي.

افغانستانذ فوتبال تيمي جنوبي آسيا مسابقه لريده سريلنكا ني 3 ـ 1 حسابيگه مغلوب ايتدي.

مسابقه نينگ بيرينچي دور اوييني ده 1 صفر حسابيده سري لانكا فايده سيگه يكونله دي.

سريلنكاليك هجومچي 37 دقيقه ده افغانستان فوتبال تيمي ايشيگيني آچيب كيردي.

افغانستان تيمي ايسه، 62 دقيقه اطرافيده سريلنكا فوتبال تيمي نينگ ايشيگي ني آچيب كيريب، نتيجه بيرـ بير حسابيگه ايلندي.

افغانستان 53 دقيقه ده بير پنالتي گه ايگه بولدي، افغان فوتبالچيسي بلال آرزو توپ ني دروازه گه ييتكزه آلمه دي.

اسلام الدين اميري 76 دقيقه ده ايكينچي توپ ني دروازه گه ييتكزيب كيردي.

اون دقيقه دن سونگ، حشمت الله اوچينچي بار سريلنكا ايشيگي ني آچيب كيردي.

افغانستان اولگي جنوبي آسياده گي مسابقه ده، دوشنبه كوني بوتان ني 3 صفر بيلن مغلوب ايتدي.

افغانستان نينگ كيينگي اوييني مالديو بيلن بوليب اوته دي.