قوراللي مخالفلر كابلده گي مسجدلردن بيريگه هجوم قيلگنلر

مسجدگه هجوم اويوشتيرگن شخصلر،افغانستان ملي پوليس كييمي دن فايده لنگنلر. پنجشنبه كوني ايرته لب، ملي پوليس كييمي ني كييگن ايكي هجومچي كابلده گي مسجدلردن بيريگه هجوم قيلگنلر.

جمهور رييس سرايي تمانيدن نشر ايتيلگن خبرنامه ده، مذكور شخصلر پاكستانليك بوليب، هجوم دن نماز اوقووچيلرني اولديريش

بولگني تاكيد لنگن.

حادثه تانگي پيت ساعت تورت يريم اطرافيده پايتخت نينگ غربي قسمي ده صادر ايتيلگن.

هجومچيلر شيعه لر گه قره شلي امام حسن مجتبي مسجدي گه هجوم اويوشتيرگنلر.

افغانستان ملي خوفسيزليك اداره سي،امنيتي كوچلر محلده گزمه قيله ياتگنده هجومچيلرنينگ توقنشگني ني ايتماقده.

هجوم عاقبتيده ايكي هجومچي هلاك بولگن باشقه اوچ تينچ اهالي يره لنگن.

حادثه مسووليتي ني هنوزگچه هيچ بيرگروه اوز بوينيگه آلمه گن.

سونگيده مخالفلرنينگ افغانستان ملي كوچلري نينگ كييمي دن فايده هجوم قيله ياتگني، اولرنينگ افغانستان ده ينگي تكتيكي

حسابلنه دي.