معلوماتگه قول تاپیش قانونینی نیگه تصدیق لنمی قالگن؟

Image caption . نی تشکیلاتی نینگ مسوولری بو مساله گه ریاست جمهورلیکده گی سوز ایرکین لیگی گه قرشی بولگن بیر قطار حلقه لرنی قولی بارلیگی نی ادعا قیله دی.

رسانه لردن حمایت ایتووچی" نی" تشکیلاتی افغانستان حکومتی تمانیدن معلوماتلرگه قول تاپیش قانونینی تصدیق لنمی قالگنیدن خواطر اظهار ایتکن. امور اداره سی ایسه بو قانون لایحه متنیده ایریم معما لرنینگ بارلیگی نی ایتیب ،موضوعنی حل ایتیش اوچون تعیین ایتیلگن کمیته حاضرگچه بو لایحه نینگ اصلاح ایته آلمه گنیدن خبر بیرگن. عین حالده کوپلب خبرنگارلرمعلومات نی اوز وقتیده قولگه کیلتیرمسلیک لری دن سوز یوریته دیلر و بوخصوصده حکومت مسووللری رسانه لرگه نسبتن بی قرق قاله یاتگن لری اولرنینگ ایشلرینی قیین چیلیک لربیلن روبروقیلیب کیله یاتگنی نی ایته دیلر. .معلومات لرگه ایگه بولیش قانونی تصویب ایتیلیب جاری ایتیلگن تقدیرده خبرنگار لرآز مدتده دولت ونادولت تشکیلات لردن معلومات آلیش امکانی ایگه بوله دیلر. بو قانون لایحه سی بوندن ایکی ییل آلدین مدنی جماعه چیلیک، انسان حق لرینی سقلش کمیسیونی ومدنیت وخبرلروزیرلیگی تاماندن ایشلب چیقیلیب بیرینچی دن عدلیه وزیرلیگی وکیینچه لیک وزیرلرتقنینی مجلسی گه جونه تیلگن ایدی. افغانستان ده فعالیت قیله یاتگن عاموی خبر واسطه لریدن حمایت ایته گن تشکیلات لر مذکور قانون لایحه سی نی حاضرگه قدرهم تصدیق لنمه گنیدن تشویش بیلدیرماقده. . نی تشکیلاتی نینگ مسوولریدن صدیق الله توحیدی بو مساله گه ریاست جمهورلیکده گی سوز ایرکین لیگی گه قرشی بولگن بیر قطار حلقه لرنی قولی بارلیگی نی ادعا قیله دی. "ایریم وزیرلر اویله یدیلر بو قانون تصویب ایتیلگن حالده ایاق قوللرینی باغله یدی، ایکینچی بولیمی ناتینچ لیک وسیلاو لرمساله لری وباشقه مهم موضوع لر سبب بولایحه گه اعتبار قره تیش نی حکومت اونچه مهم دیب اویله مه یدی، بوندن تشقری ایریم ارگده گی حلقه لر کوپراق رسانه لر فعالیت لری چیکله نیشی گه طرفدارلربولگن لر" بیراق افغانستان امور اداره سی نینگ سوزچیسی رفیع فردوس گه کوره معلومات لرگه قول تاپیش قانونی مجلس گه تقدیم ایتیلگن، اما اوبو لایحه ده ایریم کم چیلیک لری بولگنی سبب مخصوص کمیته بوقیین چیلیک لرنی برطرف ایتیش اوچون ایجا د ایتیلگننی معلوم قیله دی. افغانستانلیک کوپلب ژورنالیست لرمعلومات لرنی اوز وقتیده قولگه کیلتیره آلمسلیکلری نی کته قیین چیلیک لریدن بیری دیب ایته دیلر، بوخصوصده فاریاب ده آریانا تلویزیونی افغانستاندن اوتگن اون ییل ده کینگ کولمده رواجلنگن ساحه لردن بیری رسانه لر و سوزایرکین لیگی بولگن. حاضرگی کونده 200اطرافیده رادیو وتلویزیون و یوزلب نشریه مملکت بویلب فعالیت قیلیب کیلماقده. بیراق بیرقطار لرگه کوره، خبرنگارلرنینگ اولدیریش ،کلتکلش، معلومات لردن محروم قالیش لری و قماققه تشلش حاللری واونلب باشقه قیین چیلیک لرهلی هم خبرنگارلرنینگ ایشلری اونگی ده تورگن اساسی معما لردن حسابلنه دی.