"افغان حربیلری ملکه لی کوچگه ایلنگن"

Image caption شفقت سیز دشمن گه قرشی کوره شیش پیتی، البته که تلفات روی بیره دی

بریتانیا لیک یوقار لوازملی قومندان لردن بیری افغانستان حربی کوچلری نی تاثیرگه ایگه بولگن ملکه لی کوچ گه ایلنگنینی معلوم قیلگن. او بو سوزلرنی افغان حربی کوچلری تلفات سان نینگ کوپیپ باره یاتگن بیرپیتده اظهار ایتماقده.

بی بی سی بیلن صحبت لشگن جنرال جان لورمیر گه کوره، افغان حربی کوچلری طالبان هجوملریگه مقاومت قیلیب، طالبان گه قر شی هجوملرینی کوچیترماقده.

ناتو کوچلری افغانستاننی ترک ایتیشی جریانیده خوف سیزلیک مسولیت لرینی افغانستان حربی کوچلریگه تاپشیرماقده.

بوئدن بیر هفته مقدم طالبان تمانیدن عملگه آشیرلگن عملیاتلر نتیجه سیده اونلب کیشی افغانستانده هلاک بولگن .

" شفقت سیز دشمن گه قرشی کوره شیش پیتی، البته که تلفات روی بیره دی،" دیب ایتدی ناتو نینگ افغانستان ده کی معاونی جنرال لورمیر.

او افغان حربی لرینی یخشی تیارگرلیکه ایگه بولگن کوچ دیب تعریف له گن .

" اولر اوز رهبرلرینی ییتیشتیرماقده و طالبان گه قرشی اوروش میدانیده مقدم جبهه ده کورش آلیب بارماقده" دیدی حربی جنرال.

عینی دمده افغان رسمیلری جاری ییلده هلاک بولگن پلیس کوچلر ساننی اوتکن ییلگه قره گنده ایککی برابرگه آشگنینی معلوم قیلگن.

رسمی معلوماتلرگه کوره هر هفته کمیده 100 نفر افغان حربیسی مملکت نینگ تورلی حدودلریده هلاک بولماقده.

بی بی سی مخبریگه کوره ناتو حربی قوماندانی نینگ بو ایشانچی، ناتو کوچلریدن مسولیت نی آله یاتگن افغان حربی کوچلر روحیه سینی کوچیتیره دی . افغانستانده اوروشلر اوز اوجیگه ایتیب طالبان حربی عملیات لرنی کوچیتریشگه حرکت قیله دی لر .

افغانستانده 8000 اطرافیده بریتانیا لیک عسکرموجود.2014 ییل آخرلریگچه موجود غربی کوچلر نینگ مملکت نی ترک ایتیشلری کوتلماقده.

افغانستان حربی کوچلرینی کیله سی ییللردوامیده حربی تیارگرلیکلردن اوتکزیش اوچون مملکت ده 2014 ییلدن کیین قالیشی ممکن بولگن خارجی عسکرلر سانی اوستیدن مذاکره دوام ایتماقده.

* سیز افغانستان حربی کوچلرنینگ قابلیتی حقده نمه دیب اویلی سیز؟ فکر بیلدرینگ