پاكستان7 محبوس طالبني قويب يوباردي

پاكستان، منصور الله داد شامل باشقه بير قطار طالبلر قماقخانه دن قويب یوبارگن. پاكستان تشقي ايشلروزيرليگي گه كوره، بو تدبير تينچليك جرياني ني حمايه لش مقصديده عملگه آشيريلگن.

پاكستان تشقي ايشلروزيرليگي تمانيدن نشر ايتيلگن خبرنامه ده كيلتيريليشيچه، پاكستان نينگ تكليفي بيلن 26 ته طالب قماقدن آزاد ايتيله دي. اوشبو رقم بيلن پاكستان تمانيدن آزاد ايتيلگن محبوسلر ساني 33 نفرگه ييتگن.

خبرنامه ده، آزاد ايتيلگنلر ايچيده منصور داد الله، سيد ولي، عبدالمنانف كريم اغا، شير افضل، گل محمد و محمدزي لر شامل. افغانستان حكومتي دايما قوييب يوباريليشي ني ايسته گن طالبان نينگ آلدينگي معاوني ملا عبدالغني برادرقویب یوباریلگن لرجمله سیگه شامل ايمس.

ملا عبدالغني برادر امريكا استخبارات تشكيلاتي نينگ معلوماتيگه كوره، پاكستان استخبارات اداره سي نينگ همكارليگي بيلن كراچيده 2010 ييلده قولگه آلينگن. افغان ديپلماتلري، ملا برادر حاضر هم تينچليك جرياني ده كته رول اوينه آلينيشي ني تاكيدله ماقده لر.

ديپلماتلردن بيري نينگ بي بي سيگه ايتيشيچه، افغان حكومتي ملا برادر ني كابلگه تاپشيريشيني سوره مه گن، بلكه اونينگ قوييب يوباريليشي ني تاكيدله گن. طالبانگه يقين شخصلرنينگ بيرگن معلوماتيگه كوره، قويب يوباريلگن طالبان مشهور شخصلر بولمه گن. هلاكتگه اوچره گن طالبان باشليغي ملا دادالله نينگ اوكه سي منصور دادالله پاكستان استخبارات اداره سي تمانيدن بلوچستان ده بيرقطار يولداشلري بيلن حبسگه آلينگن ايدي، اما اوشه وقت طالبان گروهي ارا مناسبت يامان بوليب، اوكه سي اوشلنگن سونگ، منصور دادالله اوكه سي نينگ اولميده برقطار طالبان اعضالريني عيبلب، اولرني كلتكله گن ايدي، اونينگ بو عملي طالبان رهبري ملا عمرنينگ قتيق قرشيليگگه دوچ كيلگن ايدي.

افغانستان حكومتي پاكستان تمانيدن محبوس طالبلرني قويب يوباريش جرياني ني ييترلي بيلمه يدي، چونكه پاكستان قويب يوباريلگن طالبان باره سيده افغانستان گه هيچ قنده ي معلومات بيرمه گن.