اوغیرلنگن پارلمان اعضاسی فریبا کاکر قوییب یوباریلدی

اولوسی جرگه اعضالریدن فریبا کارکر بندن 24 کون آلدین غزنی ولایتیده طالبان تمانیدن اوغیرلنگن ایدی، اوتگن آقشام قوییب یوباریلگن.طالبان نینگ سابق مقاملریدن سید اکبر آغا خانم فریبا نینگ قوییب یوباریش اوچون واسطه چیلیک قیلگن.

سید اکبر آغا بی بی سی بیلن بولگن صحبتیده خانم کاکر، هیداوچی و قوریقچیسی نی قوییب یوباریش مقابلیده افغانستان حکومتی آلتی طالب و طالبان یقینلریدن تورت محبوس عیال نی آزاد ایتگنی نی ایتدی.

اوز اسمینی ایتیشینی ایسته مه گن غزنی مقاملریدن بیری نینگ بی بی سی گه ایتیشیچه، خانم کاکر اوشبو ولایت مقاملریگه تاپشیریلگن ، حاضر ایسه تورموش اورتاغی بیلن غزنی مرکزیده بولگن.

مذکور منبع هم خانم کاکر نینگ قوییب یوباریش مقابلیده تورت طالب محبوس آزاد ایتیلگنینی ایتگن. عالی تینچلیک کینگاشی نینگ دارالانشا رئیسی معصوم ستانکزی کابل ولایت نینگ سابق حاکمی دین محمد وطالبان نینگ قماقخانه لربوییچه کمیسیون مسوولی، خانم کارگر نینگ قوییب یوباریش اوچون دخیل بولگنی ایتیلماقده.

خانم کارکراوچ فرزندی، قوریقچی وهیداوچی سی بیلن کابل– قندهار شاه یولی نینگ غزنی حدودیده تیگیشلی اسفندده منطقه سیده طالبان تمانیدن اوغیرلنگن ایدی.

افغان مقاملریگه کوره خانم کاکر نینگ بیر اوغلی وهیداوچی سی بیرکوندن سونگ محل آقسقاللری سعی حرکتی بیلن آزاد ایتیلگن ایدی.

اوزینی طالبان سوزچیسی دیب تانیشتیرگن ذبیح الله مجاهد خانم کار کرنینگ قوییب بوباریش مقابلیده اوشبو گروه نینگ نیچه اعضاسی و تورت عیال افغانستان دولتی تمانیدن آزاد ایتلگنینی ایتگن.